ដោយគង់ ម៉ាលីន
ភ្នំពេញៈ ការខ្ចីប្រាក់ពីមិត្តភ័ក្តិយល់ចិត្ត អាចជារឿងងាយស្រួល ប៉ុន្តែបើខ្ចីជាមួយស្ថាប័នហិរញ្ញវត្ថុ មិនមែនជារឿងសាមញ្ញានោះទេ បើដូច្នេះតើយើងត្រូវត្រៀមលក្ខណៈដូចម្តេច ដើម្បីអាចខ្ចីប្រាក់បានលឿននិងឆាប់រហ័ស?។
គេហទំព័រCambodiafinancialtimes.com និងfacebook Pageឈ្មោះ Cambodia Financial Times សូមលើកយកចំណុចមួយចំនួន ដើម្បីឲ្យអ្នកបានត្រៀមខ្លួនរួចរាល់ ដើម្បីស្នើសុំកម្ចីបានលឿននិងមានប្រសិទ្ឋភាព។
១ត្រូវត្រៀមលក្ខណៈរួចជាស្រេចៈ គ្រឹះស្ថានហិរញ្ញវត្ថុឬធនាគារភាគច្រើន ត្រូវការព័ត៌មានមួយចំនួនអំពីអ្នក ហើយជាទូទៅព័ត៌មាន ដែលត្រូវការនោះមិនខុសគ្នាប៉ុន្មានទេពីអង្គភាពមួយទៅអង្គភាពមួយ។ ដូច្នេះចូរត្រៀមព័ត៌មាន និងឯកសារឲ្យបានគ្រប់គ្រាន់សម្រាប់ ភ្នាក់ងារឥណទាន។ ធ្វើដូចនេះ អាចជួយពន្លឿនដំណើរការប្រាក់កំចីរបស់អ្នកបាន។
២ ប្រសិនបើអ្នកធ្លាប់ខ្ចីពីមុនមកហើយៈ ហើយតែងសង់ប្រាក់ត្រឡប់វិញជាទៀងទាត់នោះអ្នកងាយនឹងទទួលបានប្រាក់កំចីម្តង់ទៀត។
៣ស្វែងរកប្រភពប្រាក់ៈ តើប្រភពណាខ្លះអាចឲ្យអ្នកខ្ចីប្រាក់បាន ជាបងប្អូន មិត្តភក្តិ ធនាគារ….? ចូរជ្រើសរើសប្រកបដោយហេតុផល យកតែប្រភពណាដែលសមស្របបំផុតសម្រាប់អ្នក។រួចសិក្សាមើលតើប្រភពណាទំនងជាឲ្យអ្នកខ្ចីជាងគេ។
៤ អាវ៉ង់ប្រាក់ខែមុន (សងវិញពេលបើកប្រាក់ខែ)។ វិធីនេះអាចខ្ចីបានលឿន ហើយកន្លែងធ្វើការភាគច្រើនអាចនឹងមានសេវាប្រភេទនេះ។
និងចំណុចចុងក្រោយគឺការបញ្ចាំ។
