សិក្សាពីហានិភ័យបីនេះជាមុនសិន មុនសម្រេចចិត្តវិនិយោគលើផ្សារហ៊ុន

ដោយៈតារារះ

ភ្នំពេញៈ ដោយសារផ្សារហ៊ុន ជាវេទិកាថ្មីនៃការវិនិយោគនៅកម្ពុជា ហេតុនេះការសិក្សាពីហានិភ័យលើវិស័យនេះ ជារឿងចាំបាច់មុនសម្រេចចិត្តវិនិយោគ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ការជួញដូរភាគហ៊ុន អាចជួបនូវហានិភ័យមួយចំនួន ដែលធ្វើឱ្យថ្លៃនៃភាគហ៊ុនធ្លាក់ចុះ​ ឬមានការប្រែប្រួលខ្លាំង។
យោងតាមឯកសាររបស់ផ្សារហ៊ុនកម្ពុជាបានឲ្យដឹងថា យើងអាចចាត់ថ្នាក់ហានិភ័យទាំងនោះ ជាបីប្រភេទចម្បងៗដូចជា

  • ហានិភ័យជាប្រព័ន្ធ ឬហានិភ័យទីផ្សារ គឺជាភាពមិនច្បាស់លាស់ដែលកើតមានឡើងចំពោះទីផ្សារទាំងមូល និងមិនអាចចៀសវាងបានតាមការធ្វើពិពិធកម្ម ដូចជា ហានិភ័យនៃការធ្លាក់ចុះសេដ្ឋកិច្ច ហានិភ័យអតិផរណា ហានិភ័យអស្ថេរភាពនយោបាយ  ហានិភ័យនៃការកើនឡើងអត្រាការប្រាក់ ជាដើម។
  • ហានិភ័យមិនមែនជាប្រព័ន្ធ គឺជាភាពមិនច្បាស់លាស់ ដែលកើតមានចំពោះក្រុមហ៊ុនឬវិស័យណាមួយ ដែលអាចកាត់បន្ថយបានដោយការធ្វើពិពិធកម្ម។ ហានិភ័យទាំងនោះរួមមាន អសាធនីយភាពនៃក្រុមហ៊ុន ការកេងបន្លំផ្ទៃក្នុងនៃបញ្ជីគណនេយ្យ សកម្មភាពជួញដូរផ្ទៃក្នុង ជាដើម។
  • ហានិភ័យសន្ទនីយភាព​ សំដៅដល់ហានិភ័យ ដែលអ្នកទិញ និងអ្នកលក់មិនអាចរកគ្នាឃើញ ដើម្បីជួញដូរនៅពេលត្រូវការ និងនៅថ្លៃសមស្របមួយ ដោយសារកង្វះសន្ទនីយភាពក្នុងទីផ្សារ៕

LEAVE A REPLY

Please enter your comment!
Please enter your name here