លោកយិន លាងគង់ និងវាគ្មិនល្បីៗជាច្រើនទៀតត្រូវបានប្រកាសជាទីប្រឹក្សាសមាគមអ្នកអភិ​វឌ្ឍន៍ដីឡូត៍កម្ពុជា

ដោយៈស៊ីវ ម៉េង

ភ្នំពេញៈ សហស្ថាបនិក និងជាអគ្គនាយកគេហទំព័រ Propertyarea.asia និងគេហទំព័រ Cambodiafinancialtimes.com លោក យិន លាងគង់ និងវាគ្មិន ព្រមទាំងអ្នកជំនាញមួយចំនួនទៀត ត្រូវបានសមាគមអ្នកអភិវឌ្ឍន៍ដីឡូត៍ ប្រកាសតែងតាំងជាទីប្រឹក្សាជាផ្លូវការ។

លិខិតតែងតាំងចុះលេខ ០43/21 ស អ ដ ក បានចេញផ្សាយកាលពីថ្ងៃទី១៦ មិថុនា ដែលចុះហត្ថលេខាដោយលោកឧកញ៉ាម៉ន សុខាប្រធានសមាគមអ្នកអភិវឌ្ឍន៍ដីឡូត៍កម្ពុជាបានបង្ហាញថា សមាគមនេះ បានសម្រេចប្រកាសតែងតាំងបុគ្គលចំនួន៨រូបជាទីប្រឹក្សា រួមមាន ទី១ លោកអោម សេងបូរ៉ា ស្ថាបនិក CEO Master Club ទី២ លោកអួន សារ៉ាត់ ប្រធានសមាគមអ្នកជំនួញឆ្លាតវៃ ទី៣ លោកឃាង ពុទ្ឋីប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា។

ទី៤ លោកឧកញ៉ាម៉ាន់ ចន្ទឌីអគ្គនាយកក្រុមហ៊ុន Primium Housing Group និងជាប្រធាន IQI Cambodia ទី៥ លោកយិន លាងគង់សហស្ថាបនិក និងជាអគ្គនាយកគេហទំព័រ Propertyarea.asia និងគេហទំព័រ Cambodiafinancialtimes.com ទី៦ លោកអ៊ិន មាន ប្រធានក្រុមហ៊ុនគេហទំព័រ Khmerload និងមុខជំនួញជាច្រើនទៀត ទី៧ លោកខន ជឺ មន្រ្តីជាន់ខ្ពស់ និងក្រុមការងារយុវជនគណបក្សប្រជាជននៅក្រៅប្រទេស និងទី៨ លោកទូច ណារិនប្រធានសាខារបស់ធនាគារក្នុងស្រុកមួយ៕