លោកច្រឹក សុខនីមៈសកម្មភាពទិញលក់ដីធ្លីកំពុងកើនឡើងខ្លាំងនៅខេត្តចំនួនពីរ

ដោយៈគង់ ម៉ាលីនណា

ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោ កច្រឹក សុខនីមបានអះអាងថា សកម្មភាពទិញលក់ដីធ្លី បានចាប់ផ្តើមកំរើកឡើងវិញខ្លាំង នៅពេលនេះ ប៉ុន្តែតម្លៃមិនទាន់កើនឡើងនោះទេ។

លោកបានមានប្រសាសន៍ឲ្យដឹងតាមទូរស័ព្ទនារសៀកថ្ងៃទី៧ មិថុនាកន្លងមកថា សកម្មភាពទិញលក់ដីធ្លី មានសកម្មភាពរសរវើ់កជាងគេ ក្នុងចំណោមផ្នែកអចលនទ្រព្យដទៃទៀត ដែលសកម្មភាពបែបនេះភាគច្រើន ធ្វើឡើងដោយវិនិយោគិនក្នុងស្រុក ជាជាងជនបរទេស ដោយសារពួកគេមិនទាន់អាចត្រលប់មកកម្ពុជាវិញបាន ព្រោះបញ្ហាជំងឺកូវីដ។

លោកបន្តថា “ខេត្តដែលមានសកម្មភាពទិញលក់ដីធ្លី ច្រើនជាងគេនាពេលបច្ចុប្ប​ន្ននេះ គឺខេត្តកណ្តាល​ និងខេត្តកំពង់ស្ពឺ”។ លោកបន្តថា “មូលហេតុដែលខេត្តទាំងពីរមានសកម្មភាពទិញលក់ដីធ្លីច្រើន ដោយសារកត្តាហេដ្ឋារចនាសម្ព័ន្ឋ គោលនយោបាយរបស់​រដ្ឋាភិបាល និងកំនើននៃការវិនិយោគពីអ្នកវិនិយោគក្នុងស្រុក”។

លោកច្រឹក សុខនីមបានបន្តថា ទោះជាយ៉ាងណាតម្លៃដីធ្លីនៅតំបន់ភាគច្រើន មិនទាន់ឡើងថ្លៃនោះទេ បើឡើងថ្លៃក៏មានកម្រិតតិចតួចប៉ុណ្ណោះ ដោយសារអ្នកវិនិយោគដីធ្លីនាពេលបច្ចុប្បន្ននេះ នៅមានកម្រិតនៅឡើយ បើធៀបនឹងមុនពេលមានវិបត្តិជំងឺកូវីដ។លោកបន្តថា អ្នកវិនិយោគភាគច្រើន ជាអ្នកមានធនធានដែលស្វែងរកប្រមូលទិញដី ដែ​ល​មានតម្លៃល្អ ឬតម្លៃទាបជាងទីផ្សារ ជាជងតម្លៃដែលមានភាពប្រកួតប្រជែង៕

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

LEAVE A REPLY

Please enter your comment!
Please enter your name here