ដោយៈ សាវុធ
ភ្នំពេញៈ នៅលើលោកនេះ មិនមាននរណាម្នាក់ល្អឥតខ្ចះនោះទេ នរណាៗក៏មានចំណុចខ្លាំង និងចំណុចខ្សោយរបស់ខ្លួនដែរ ប៉ុន្តែតើអ្នកអាចដឹងពីចំណុចខ្លាំង និង ចំណុចខ្សោយរបស់អ្នកដែរឬ ទេ?
បើអ្នកបានដឹងពីចំណុចខ្លាំង និង ចំណុចខ្សោយធ្វើអោយអ្នកស្គាល់ពីខ្លួនឯង និងងាយទទួលបានជោគជ័យក្នុងអាជីវកម្មរបស់អ្នក។ ចំណុចខាងក្រោមនេះ ដែលអ្នកត្រូវស្គាល់ពីចំណុចខ្លាំង និង ចំណុចខ្សោយរបស់ខ្លួនឯង។
ទី១) ដឹងពីចំណុចខ្លាំងរបស់អ្នក
អ្នកគួរធ្វើការសង្កេតរកមើលពីចំណុចខ្សោយ និងចំណុចខ្លាំងរបស់អ្នក ព្រោះធ្វើអោយអាចយកចំណុចខ្លាំងរបស់អ្នកធ្វើជាចំណុចស្នូលនៃ ការរីកចំរើននៃអាជីវកម្មរបស់អ្នកបាន។
ការដែលអ្នកស្គាល់ពីចំណុចខ្លាំង វាជារឿងសំខាន់ណាស់សម្រាប់អាជីវកម្មរបស់អ្នក ហើយអ្នកអាចចាប់ផ្ដើមអាជីវកម្មជាមួយអ្វីដែលអ្នកមានជំនាញ។ ហើយនរណាៗក៏មានចំណុចខ្លាំងរបស់ខ្លួនដែរ ប៉ុន្តែអាស្រ័យថាពួកគេបានប្រើប្រាស់ចំណុចខ្លាំងរបស់គេដើម្បីបង្កើតបានជាប្រយោជន៍កម្រិតណាដែរ។
ទី២) ស្គាល់ពីចំណុចខ្សោយរបស់ខ្លួន
ការដឹងពីចំណុចខ្សោយរបស់ខ្លួនឯងជារឿងសំខាន់សម្រាប់ការរកឃើញចំណុចខ្លាំងរបស់អ្នក។ ក្នុងនាមអ្នកជាម្ចាស់អាជីវកម្មអ្វីមួយ អ្នកមិនត្រូវអោយគូប្រកួតប្រជែងរបស់អ្នកដឹងពីចំណុចខ្សោយរបស់អ្នកជាដាច់ខាត។ បើកាលណាអ្នកស្គាល់ពីចំណុចខ្សោយរបស់ខ្លួនហើយ អ្នកត្រូវខិតខំកែប្រែពីចំណុចខ្សោយរបស់ទៅជា ចំណុចខ្លាំងវិញ។
ទី៣) ពង្រឹកចំណុចខ្លាំងរបស់អ្នកអោយកាន់តែខ្លាំង
ជាទូទៅមនុស្សយើង ប្រើដៃស្ដាំច្រើនជាងដៃឆ្វេង ដែលធ្វើអោយដៃស្ដាំខ្លាំងជាងដៃឆ្វេង បើកាលណាអ្នកប្រើប្រាស់ចំណុចខ្លាំងរបស់អ្នកកាន់ច្រើនប៉ុណ្ណា ចំណុចខ្លាំងរបស់អ្នកកាន់ខ្លាំងឡើងៗថែមទៀត។ ឧ. អ្នកមានចំណុចខ្លាំងរបស់ខាងផ្នែក ទំនាក់ទំនង នោះការងារ ឬ ក៏អាជីវកម្មដែលសាកសមនឹងអ្នក វាទាក់ទងនឹងការផ្ដល់សេវាកម្មដល់អតិថិជនជាដើម។ បើអាចទាញយកចំណុចខ្លាំងរបស់អ្នកមកប្រើប្រាស់បាន វាកាន់តែធ្វើអោយអ្នកខ្លាំង ថែមទាំងមានគំនិតឆ្នៃប្រឌិតថ្មីបន្ថែមទៀត។
ដូច្នេះដើម្បីសម្រេចជោគជ័យអ្វីមួយ អ្នកត្រូវចាប់ផ្ដើមធ្វើអ្វីដែលអ្នកមានជំនាញ នឹង ខ្លាំងពូកែសម្រាប់កិច្ចការនោះ នោះអ្នកងាយនឹងទទួលបានជោកជ័យ ជាងដែលអ្នកធ្វើអ្វីទាំងដែលខ្លួនមិនយល់ច្បាស់ពីវាផងនោះ ៕
ដូច្នេះចំនេះដឹងផ្នែកចិត្តសាស្ត្រ មិនថាក្នុងកិច្ចវិស័យអាជីវកម្មប៉ុណ្ណោះទេ ដែលអ្នកត្រូវយកវាមកប្រើនោះ សូម្បីក្នុងជីវភាពរស់នៅប្រចាំថ្ងៃក៏ត្រូវការវាដូចគ្នាដែរ៕ Spean
