សមាគមធនាគារនិងមីក្រូហិរញ្ញវត្ថុៈនឹងមិនមានការផាកពិន័យទេក្នុងស្ថានភាពកូវីដ១៩

          ដោយៈលក្ខិណា

ភ្នំពេញៈ សមាគមមីក្រូហិរញ្ញវត្ថុកម្ពុជា និងសមាគមធនាគារនៅកម្ពុជានៅថ្ងៃទី១២ មេសានេះ បានចេញសេចក្ដីថ្លែងការណ៍រួមគ្នា ពីការមិនពិន័យចំពោះអតិថិជនរបស់ខ្លួនឡើយ នៅក្នុងស្ថានភាពដ៏លំបាកនេះ។

សេចក្តតីថ្លែងការណ៍នេះ ធ្វើឡើងតបតាមការអំពាវនាវ និងស្នើសុំរបស់សម្ដេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា កាលពីថ្ងៃទី១០មេសា២០២១កន្លងទៅ ដែលសម្តេចសុំឱ្យធនាគារ និងមីក្រូហិរញ្ញវត្ថុ កុំពិន័យដល់អតិថិជនដែលបង់ប្រាក់ត្រលប់ទៅវវិញយឺតយ៉ាវ ។

នៅក្នុងសេចក្តីថ្លែងការណ៍រួម របស់សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជាបានឱ្យដឹងថា តបទៅនឹងអនុសាសន៍ដ៏ខ្ពង់ខ្ពង់របស់  សម្តេចអគ្គមហាសេនាបតីតេជោ សមាគមទាំងពីរសូមទទួលយក និងអនុវត្តតាម ដោយធ្វើបច្ចុប្បន្នភាពកែសម្រួលបន្ថែមនូវគោលការណ៍ ដែលបានចេញផ្សាយកាលពីថ្ងៃទី៧ ខែមេសា ឆ្នាំ២០២១ ដល់អតិថិជនដែលឆ្លងជំងឺកូវីដ-១៩ ដោយបានលើកលែងការបង់ការប្រាក់រយៈពេល២ខែ ហើយសម្រាប់អតិថិជន ដែលជាប់ធ្វើចត្តាឡីស័ក នឹងផ្តល់ការរៀបចំឥណទានឡើងវិញដោយស្វ័យប្រវត្តិ (ប្រសិនបើអតិថិជនយល់ព្រម)  រួមទាំងពន្យារការបង់ទាំងប្រាក់ដើមរយៈពេល៣ខែ។

ដោយឡែកក្នុងករណីចាំបាច់នានា ដែលជាតម្រូវការរបស់អតិថិជន ដែលរងផលប៉ះពាល់ដោយជំងឺកូវីដ-១៩ សូមធ្វើការពិភាក្សាដោយផ្ទាល់ ជាមួយគ្រឹះស្ថានធនាគារ និងមីក្រូហិរញ្ញវត្ថុ។

សមាគមទាំងពីរសូមបញ្ជាក់ជំហរជាថ្មីថា “ក្នុងរយៈពេលដ៏លំបាកនេះ នឹងមិនមានការផាកពិន័យចំពោះ អតិថិជន ដែលរងផលប៉ះពាល់ដោយជំងឺកូវីដ-១៩”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

នៅក្នុងវិបត្តិកូវីដ១៩នេះដែរ ប្រមុខរដ្ឋាភិបាលបានផ្ដល់ជាទស្សនៈដល់ស្ថាប័នហិរញ្ញវត្ថុ បើអាចគួរកាត់បន្ថយប្រាក់ចំណេញដល់ ដើម្បីជួយដល់អតិថិជនដែលកំពុងទទួលរងផលប៉ះពាល់ពីវិបត្តិនេះ ក្នុងពេលដែល២០២០កន្លងទៅធនាគារមួយចំនួននៅតែទទួលបានប្រាក់ចំណេញខ្ពស់៕

LEAVE A REPLY

Please enter your comment!
Please enter your name here