ដោយ: គង់ លាងហួរ
អន្តរជាតិ: ការជួញដូរផ្សារហ៊ុននៅតំបន់អាសុីបានប្រឈមមុខជាមួយភាពមិនច្បាស់លាស់នៅព្រឹកថ្ងៃចន្ទនេះ បន្ទាប់ពីធនាគារកណ្តាលចិន(PBOC) បានរក្សាទុកអត្រាការប្រាក់លើប្រាក់កម្ចីរយៈពេល១ឆ្នាំ និងរយៈពេល៥ឆ្នាំរបស់ខ្លួនឱ្យនៅថេរដដែល។
តាមរយៈការជួញដូរនៅលើទីផ្សារ សន្ទស្សន៍ផ្សារហ៊ុននៅតំបន់អាស៊ីរបស់ក្រុមហ៊ុនអាមេរិក MSCI នៅក្រៅប្រទេសជប៉ុនបានធ្លាក់ថ្លៃចុះចំនួន០,២៨ភាគរយ គិតត្រឹមម៉ោង១០:៤២នាទីព្រឹក។
សន្ទស្សន៍ផ្សារហ៊ុន Nikkei និងផ្សារហ៊ុន Topix របស់ប្រទេសជប៉ុន បានផ្អាកការជួញដូរ ដោយសារពិធីបុណ្យ“Marine Day”។ ចំណែក សន្ទស្សន៍ផ្សារហ៊ុន Hang Seng របស់ទីក្រុងហុងកុងបានងើបឡើងថ្លៃ០,៣ភាគរយ។
ដោយឡែក សន្ទស្សន៍ផ្សារហ៊ុនបន្ទះឈីប CSI300 និងសន្ទស្សន៍ផ្សារហ៊ុនក្រុងសៀងហៃ Shanghai Composite របស់ប្រទេសចិនបានផ្អាកការជួញដូរ។
ចំណែក ផ្សារហ៊ុន S&P /ASX 200 របស់ប្រទេសអូស្ត្រាលីបានធ្លាក់ថ្លៃចុះ១,១៥ភាគរយ ខណៈពេលដែលសន្ទស្សន៍ផ្សារហ៊ុន KOSPI របស់ប្រទេសកូរ៉េខាងត្បូងបានងើបឡើងថ្លៃ០,៥២ភាគរយ៕
 បានរក្សាទុកអត្រាការប្រាក់លើប្រាក់កម្ចីរយៈពេល១ឆ្នាំ និងរយៈពេល៥ឆ្នាំរបស់ខ្លួនឱ្យនៅថេរដដែល។){kind=link}