ក្នុងកិច្ចប្រជុំនេះ លោកស្រី Kelly Haltel បានរាយការណ៍ជូនអង្គប្រជុំពីបច្ចុប្បន្នភាព នៃគម្រោងអភិវឌ្ឍវិស័យហិរញ្ញវត្ថុប្រកបដោយចីរភាព និងបរិយាបន្ន ដែលជាកម្មវិធីហិរញ្ញប្បទានផ្អែកលើគោលនយោបាយ មានរយៈពេល ៦ឆ្នាំ (ឆ្នាំ២០២៥-២០៣១) ព្រមទាំងប្រមូលធាតុចូលបន្ថែមក្នុងវិស័យអាទិភាពសំខាន់ៗដែលត្រូវធ្វើកំណែទម្រង់ក្រោមគម្រោងនេះ ដូចជា ការលើកកម្ពស់ចំណេះដឹងផ្នែកហិរញ្ញវត្ថុ កិច្ចការពារអតិថិជន និងចីរភាពហិរញ្ញវត្ថុ ជាដើម។
ឯកឧត្តម ទេសាភិបាលរងក៏បានជម្រាបជូនក្រុមបេសកកម្មពីវឌ្ឍនភាពការងារមួយចំនួនដែលបានទទួលការគាំទ្រទាំងថវិកានិងជំនួយបច្ចេកទេសពី ADB កន្លងមក ព្រមទាំងបានស្នើឱ្យ ADB បន្តសហការគាំទ្រគំនិតផ្តួចផ្តើមនានារបស់ធនាគារជាតិនៃកម្ពុជា សំដៅរួមចំណែកអភិវឌ្ឍវិស័យធនាគារនិងហិរញ្ញវត្ថុបន្តទៀត។
