រថភ្លើងដឹកទំនិញឆ្លងកាត់ប្រទេសអាសុីចំនួន៣គ្រោងនឹងបើកឱ្យដំណើរការនៅខែតុលាឆ្នាំនេះ

ដោយ:លាងហួរ
អាសុី: រថភ្លើងដឹកទំនិញឆ្លងកាត់ប្រទេសអាសុីចំនួន៣ ឬហៅថា ASEAN Express រវាងប្រទេសម៉ាឡេស៊ី ថៃ និងប្រទេសឡាវ នឹងចាប់ផ្តើមបើកឱ្យដំណើរការនៅខែតុលាឆ្នាំ២០២២នេះ។

យោងតាមសារពត៌មាន The Star បានរាយការណ៍ថា Keretapi Tanah Melayu Berhad (KTMB) ដែលជាក្រុមហ៊ុនប្រតិបត្តិករផ្លូវដែកបានសាកល្បងផ្លូវរថភ្លើងថ្មីកាលពីសប្តាហ៍មុន ដើម្បីសាកល្បងគ្រប់ទិដ្ឋភាពនៃខ្សែរថភ្លើង និងដើម្បីរៀបចំសម្រាប់ការដាក់ឱ្យដំណើរការពាណិជ្ជកម្មនៃសេវាកម្ម។

រដ្ឋមន្ត្រីក្រសួងដឹកជញ្ជូនម៉ាឡេស៊ី លោក Wee Ka Siong បានពិភាក្សាអំពីការតេស្តសាកល្បងដំណើរការដំបូងរបស់រថភ្លើងនេះ។

លោក Wee បានមានប្រសាសន៍ក្នុងអំឡុងពេលនៃការបើកសម្ពោធពិព័រណ៍បច្ចេកវិទ្យាផ្លូវដែក (RTX) នៅប្រទេសម៉ាឡេស៊ីថា នេះគឺពេលវេលាដ៏ល្អដោយសារការអភិវឌ្ឍន៍គម្រោងផ្លូវដែកក្នុងអាស៊ានកំពុងអភិវឌ្ឍយ៉ាងឆាប់រហ័ស ហើយយើងត្រូវចាប់យកឱកាសដើម្បីជ្រៀតចូលទៅក្នុងទីផ្សារអាស៊ាន។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ផ្លូវដែក ក្នុង ប្រទេស ម៉ាឡេស៊ី ក៏ នឹង មាន ការ តភ្ជាប់ ទៅ ខេត្តនានា ក្នុង ប្រទេស ចិន រួម មាន Kunming, Chengdu និង ទៅ Chongqing តាមរយៈ ស្ថានីយ Tanalengក្នុងទីក្រុងវៀងចន្ទន៍។

ក្នុងរយៈពេល៧២ម៉ោង រថភ្លើងដឹកទំនិញធ្វើដំណើរបាន២២០៦គីឡូម៉ែត្រពីប្រទេសម៉ាឡេស៊ីទៅកាន់ប្រទេសឡាវ។

នៅចុងខែសីហានេះ មន្ត្រីមកពីប្រទេសថៃនឹងធ្វើទស្សនកិច្ចនៅប្រទេសឡាវ ដើម្បីពិភាក្សាអំពីការសាងសង់ផ្លូវរថភ្លើងរវាងប្រទេសថៃ និងផ្លូវដែកឡាវ-ចិន៕

LEAVE A REPLY

Please enter your comment!
Please enter your name here