សេដ្ឋកិច្ចរបស់ប្រទេសថៃបង្ហាញងើបឡើងវិញយឺតជាងការរំពឹងទុកក្នុងត្រីមាសទី២ឆ្នាំ២០២២

ដោយ: លាងហួរ

បាងកក: យោងតាមទិន្នន័យមួយ បានបង្ហាញឱ្យដឹងនៅថ្ងៃចន្ទនេះថា សេដ្ឋកិច្ចប្រទេសថៃបានកើនឡើងក្នុងល្បឿនយឺតជាងការរំពឹងទុកចំនួន២,៥ភាគរយ ក្នុងត្រីមាសទីពីរ នៃឆ្នាំ២០២២នេះ។

នៅក្នុងឆមាសទីមួយ នៃឆ្នាំ២០២២ ផលិតផលក្នុងស្រុកសរុប (GDP) របស់ប្រទេសថៃ បានកើនឡើង ២,៤ភាគរយ ធៀបនឹងឆ្នាំ២០២១ នេះបើយោងតាមទិន្នន័យចេញផ្សាយ ដោយការិយាល័យក្រុមប្រឹក្សាអភិវឌ្ឍន៍សេដ្ឋកិច្ច និងសង្គមជាតិ (NESDC)។

យោងតាមទិន្នន័យរបស់ NESDC បានឱ្យដឹងថា កំណើនសេដ្ឋកិច្ចនៅត្រីមាសទីពីរ ទាបជាងការរំពឹងទុករបស់ទីផ្សារ៣,១ភាគរយ។

ទិន្នន័យពី NESDC ដដែល បានបង្ហាញថាកំណើនសេដ្ឋកិច្ច នៅក្នុងត្រីមាសទីពីរ ត្រូវបានជំរុញដោយការធ្វើឱ្យប្រសើរឡើងនៅក្នុងវិស័យសេវាកម្ម ដែលមួយផ្នែក ដោយសារតែការបន្ធូរបន្ថយរបស់រដ្ឋាភិបាល នៃការរឹតបន្តឹងជំងឺកូវីដ១៩ និងវិធានការជំរុញ ដើម្បីគាំទ្រដល់វិស័យទេសចរណ៍។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

NESDC រំពឹងថាសេដ្ឋកិច្ចថៃនឹងកើនឡើង ក្នុងចន្លោះពី២,៧ ទៅ៣,២ភាគរយ សម្រាប់ឆ្នាំ២០២២នេះ៕

LEAVE A REPLY

Please enter your comment!
Please enter your name here