លំហូរទុនវិនិយោគបរទេសរបស់ប្រទេសវៀតណាមធ្លាក់ចុះខ្លាំងក្នុងរយៈពេល ៧ខែនេះ

ដោយ: លាងហួរ

ហាណូយ: ក្រសួងផែនការ និងការវិនិយោគ បានឱ្យដឹងថា ប្រទេសវៀតណាមបានទាក់ទាញលំហូរវិនិយោគបរទេសប្រមាណជាង១៥,៤១ពាន់លានដុល្លារអាមេរិក ក្នុងរយៈពេល៧ខែដំបូង នៃឆ្នាំ២០២២នេះ ធ្លាក់ចុះ៧,១ភាគរយ ធៀបនឹងឆ្នាំមុន។

ប្រទេសវៀតណាមបានអនុម័តគម្រោងវិនិយោគផ្ទាល់ពីបរទេស (FDI) ថ្មីចំនួន៩២៧ ដែលមានទុនវិនិយោគសរុបជាង៥,៧២ពាន់លានដុល្លារ ធ្លាក់ចុះ៧,៩ភាគរយគិតជាបរិមាណ និង៤៣,៥ភាគរយគិតជាដើមទុន។

ប្រទេសវៀតណាមក៏បានអនុម័តគម្រោង FDI ប្រតិបត្តិការចំនួន៥៧៩ ដែលបង្កើនដើមទុនវិនិយោគសរុបចំនួន៧,២៤ពាន់លានដុល្លារ ក្នុងរយៈពេល៧ខែ ដោយកើនឡើង៥៩,៣ភាគរយ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ចាប់ពីខែមករាដល់ខែកក្កដា លំហូរទុនវិនិយោគផ្ទាល់ពីបរទេស ដែលបានហូរចូលទៅក្នុងប្រទេសវៀតណាមមានចំនួនសរុបជិត១១,៥៧ពាន់លានដុល្លារ កើនឡើង១០,២ភាគរយពីមួយឆ្នាំទៅមួយឆ្នាំ៕

LEAVE A REPLY

Please enter your comment!
Please enter your name here