ក្រុមហ៊ុន Swire របស់សហរដ្ឋអាមេរិក បានឈានជើងចូលទីផ្សារកម្ពុជា

ដោយៈគង់ ម៉ាលីនណា

ភ្នំពេញៈ ក្រុមហ៊ុន Swire ដែលមានមូលដ្ឋាននៅទីក្រុងហុងកុង បានប្រកាសឈានជើងចូលទីផ្សារកម្ពុជា និងវៀតណាម។

វាជាក្រុមហ៊ុនផលិត សំបកដបភេសជ្ជៈយីហោលី្បៗនៅអាមេរិក និង ជាអ្នកផលិតសំបកដបកូកា-កូឡាធំជាងគេលំដាប់ទី៥នៅលើពិភពលោក។

កាលពីពេលថ្មីៗនេះ Swire ដែលនៅហុងកុងបានប្រកាសបោះទុន ១,០១ពាន់លានដុល្លារអាមេរិក ដើម្បីពង្រីកទីផ្សារផលិតសំបកដបកូកាកូឡានៅកម្ពុជា និងវៀតណាម។

លោក Patrick Healy ជាប្រធានក្រុមប្រឹក្សាភិបាលរបស់ Swire និងជាប្រធានក្រុមហ៊ុន Coca-Cola បានបញ្ជាក់ថា “ការពង្រីកទីផ្សារនេះ គឺជាយុទ្ធសាស្រ្តដ៏ទូលំទូលាយមួយ ដើម្បីពង្រីកទំហំបរិមាណ និងប្រាក់ចំណូលជាសកលនៃអាជីវកម្មផលិតដបរបស់យើង”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

យោង​តាម​របាយការណ៍របស់ Swire នៅ​ហុងកុង បានង្ហាញថាប្រាក់​ចំណេញ ​ក្រោយ​បង់​ពន្ធ​នៃ​ប្រតិបត្តិការ ​ផលិតសបកដបកូកា-កូឡា​នៅ​វៀតណាម​មាន​ចំនួន៣២លាន​ដុល្លារ ខណៈនៅ​កម្ពុជា​មាន​ចំនួន៣,៨ លាន​ដុល្លារ។

ក្រុមហ៊ុននេះបានមើលឃើញថា កម្ពុជា និង វៀតណាម គឺជាប្រទេសដែលមានចំណង់ចំណូលចិត្ត ប្រភេទភេសជ្ជៈនេះធំជាងគេ ក្នុងទីផ្សារអាស៊ីអាគ្នេយ៍៕

LEAVE A REPLY

Please enter your comment!
Please enter your name here