បន្ទាប់ពីរង់ចាំយ៉ាងយូរក្រុមហ៊ុនមកពីហុងកុងនឹងបើកការស៊ីណូនៅតំបន់តារាសាគរនាខែកញ្ញាខាងមុខ

ដោយៈ គង់ សូរិយា

កោះកុងៈ បន្ទាប់ពីបានពន្យាពេលយ៉ាងយូរ ទីបំផុតក្រុមហ៊ុនហុងកុង Century Entertainment International Holdings Ltd រំពឹងថា ខ្លួននឹងអាចចាប់ផ្តើមប្រតិបត្តិការអាជីវកម្មតុហ្គេម នៅក្នុងកាស៊ីណូថ្មីមួយនៅតារាសាគរ ខេត្តកោះកុងប្រទេសកម្ពុជា នៅចុងខែកញ្ញា ខាងមុខនេះ បន្ទាប់ពីមានការធ្លាក់ចុះ ជាបន្តបន្ទាប់ដោយសារវិបត្តិកូវីដកន្លងមក។

ក្រុមហ៊ុននេះ បានប្រកាសពីលទ្ធផលហិរញ្ញវត្ថុរបស់ខ្លួន កាលពីថ្ងៃទី ៣១ ខែមីនា ឆ្នាំ ២០២២កន្លងមកនេះ។

របាយការណ៍របស់ក្រុមហ៊ុននេះបានបង្ហាញថា ប្រាក់ចំណូលធ្លាក់ចុះ ៧២,៥% ទៅ២០០,០០០ដុល្លារហុងកុង (២៥៥០០ដុល្លារអាមេរិក) ប៉ុន្តែគម្លាតនៃការខាតបង់គឺតូច ពី ៤៣លានដុល្លារហុងកុង (៥,៥ លានដុល្លារ) ក្នុងឆ្នាំសារពើពន្ធ២០២១ ដល់៣,៧លានដុល្លារហុងកុង (៤៧១ ០០០ ដុល្លារ)។ ដូច្នេះក្រុមហ៊ុនក៏បានបញ្ជាក់ថា ខ្លួននៅតែរក្សាសិទ្ធិក្នុងការដំណើរការតុហ្គេមចំនួនពីរនៅកាស៊ីណូ។

ប្រធាន និងជានាយកប្រតិបត្តិរបស់ Century Entertainment លោក Ng Man Sun ធ្លាប់បានលើកឡើងម្តងរួចហើយថា កាស៊ីណូនេះ នឹងត្រូវផ្លាស់ប្តូរទីតាំងពីក្រុងព្រះសីហនុ មក​កាន់តំបន់​តារា​សាគរវិញ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកក៏បានបន្តថា “ក្រុមហ៊ុនត្រូវតែអនុវត្តន៍ផែនការ បើកដំណើរការអាជីវកម្មតុហ្គេមនេះឡើងវិញ នៅក្នុងតំបន់វិនិយោគតារាសាគរ និងកំណត់គោលដៅ ចាប់ផ្តើមប្រតិបត្តិការអាជីវកម្មតុហ្គេម ចាប់ពីខែកញ្ញា ឆ្នាំ២០២២ ខាងមុខនេះ បន្ទាប់ពីបញ្ចប់ការធ្វើតេស្តប្រព័ន្ធអេឡិចត្រូនិច និងបណ្តុះបណ្តាលបុគ្គលិកកាស៊ីណូបានរួចរាល់”៕

LEAVE A REPLY

Please enter your comment!
Please enter your name here