លំហូរFDIមកកាន់កម្ពុជាសម្រេចបានទឹកប្រាក់៤៣៥៧លានដុល្លារ កាលពីឆ្នាំមុន

      ដោយៈគង់ ម៉ាលីនណា

ភ្នំពេញ: ការវិនិយោគផ្ទាល់ពីបរទេសនៅកម្ពុជា(FDI)សម្រេចបានទំហំទឹកប្រាក់សរុប៤៣៥៧លានដុល្លារកាលពីឆ្នាំមុន ថយចុះ៤៧ភាគរយបើធៀបនឹងទុកវិនិយោគក្នុងឆ្នាំ២០២០ ដែលមានតម្លៃវិនិយោគសរុប៨២៥០ លានដុល្លារ។

យោងតាមទិន្ឋន័យរបស់ក្រុមប្រឹក្សាអភិវឌ្ឍន៍កម្ពុជាបានឲ្យដឹងថា ការវិនិយោគផ្ទាល់ពីបរទេសមកពីប្រទេសចិន មានសន្ទុះជាងគេ ហើយនៅតែជាលំដាប់លេខ ១ ដែលកើនឡើង៦៧% ឬប្រមាណ២៣២៦លានដុល្លារ។

ដោយឡែក ការវិនិយោគផ្ទាល់ពីបរទេសពីប្រទេសសិង្ហបុរី និងអាមេរិក មានតម្លៃ១២១ លានដុល្លារ និង១៦៣លានដុល្លាររៀងៗគ្នាផងដែរ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ចំណែកការវិនិយោគមកពីប្រទេសកូរ៉េខាងត្បូង មានតម្លៃ២៤លានដុល្លារ ថយចុះពី២៦២លានដុល្លារ ក្នុងឆ្នាំ២០២០ ខណៈមកពីប្រទេសជប៉ុន មានតម្លៃ៦១លានដុល្លារ កើនឡើងពី៤៦លានដុល្លារ ក្នុងឆ្នាំ២០២០៕

 

LEAVE A REPLY

Please enter your comment!
Please enter your name here