ក្រសួង​នឹង​លក់ផ្លាកលេខជាកញ្ចប់ពិសេសដល់​ក្រុមហ៊ុន គ្រឹះស្ថានធនាគារ និងហិរញ្ញវត្ថុ ឬសហគ្រាស

ដោយ៖ សុផារី​

ភ្នំពេញ៖ ក្រសួងសាធារណការ និងដឹកជញ្ជូន លក់ជាកញ្ចប់ពិសេសចំពោះតម្លៃលេខពិសេសផ្ទាល់ខ្លួនទាក់ទងនឹង ឈ្មោះក្រុមហ៊ុន គ្រឹះស្ថានធនាគារ និងហិរញ្ញវត្ថុ ឬសហគ្រាស ដើម្បី​ផ្តល់សេវាប្រកបដោយជម្រើសសម្បូណ៌បែប​ និង​កៀរគរចំណូលបន្ថែមទៀតជូនរដ្ឋ។


នៅ​ក្នុង​កិច្ចប្រជុំពិភាក្សា នៅ​ថ្ងៃទី០៨ ខែមេសានេះ លោកស្រី​ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការរអន្តរក្រសួងគ្រប់គ្រងការលក់លេខចុះបញ្ជីរថយន្ត បានគូសបញ្ជាក់អំពីប្រវត្តិនៃការអភិវឌ្ឍ ប្រព័ន្ធគ្រប់គ្រងការលក់លេខចុះបញ្ជីពិសេសផ្ទាល់ខ្លួនរបស់ក្រុមការងារបច្ចេកទេសអន្តរក្រសួង ក្រោម កិច្ចសហការយ៉ាងជិតស្និទ្ធ រវាងនាយកដ្ឋានព័ត៌មានវិទ្យា និងទំនាក់ទំនងសាធារណៈ និងអគ្គនាយកដ្ឋាន ដឹកជញ្ជូនផ្លូវគោក

លោកស្រី​បានមានប្រសាសន៍ថា ក្រុមការងារបច្ចេកទេសអន្តរក្រសួងបានធ្វើទស្សនកិច្ចសិក្សាទៅកាន់ បណ្តាប្រទេសនានា ដើម្បីដកស្រង់យកបទពិសោធន៍សំដៅអភិវឌ្ឍប្រព័ន្ធគ្រប់គ្រងការលក់លេខចុះបញ្ជី ពិសេសផ្ទាល់ខ្លួន រហូតសម្រេចបានសមិទ្ធផលដ៏ធំធេង និងទទួលបានជោគជ័យ តាមរយៈធនធានពិត ប្រាកដដែលក្រសួងមាន ដោយមិនមានការជួល ឬប្រើប្រាស់ធនធានពីក្រៅអ្វីឡើយ។

បន្ថែមពីលើនេះ លោកស្រី​មាន​ប្រសាសន៍ថា ការ​លក់​លេខពិសេស ជា​ការផ្តល់សេវាប្រកបដោយជម្រើសសម្បូណ៌បែបជូនបងប្អូនប្រជាពលរដ្ឋ មានប្រសិទ្ធភាព តម្លាភាព ស្របតាមតម្រូវការជាក់ស្តែង ក៏ដូចជាដើម្បីកៀរគរចំណូលឱ្យបានកាន់តែច្រើនបន្ថែមទៀតជូនរដ្ឋផងដែរ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ការប្រើប្រាស់លេខពិសេសផ្ទាល់ខ្លួនមានអត្ថប្រយោជន៍ជួយដល់ការផ្សព្វផ្សាយអំពីម៉ាកយីហោ របស់ក្រុមហ៊ុនទៅដល់អតិថិជន ទទួលបានកម្មសិទ្ធិជាឈ្មោះរបស់ក្រុមហ៊ុននៅលើផ្លាកលេខ ងាយស្រួលគ្រប់គ្រងរថយន្តរបស់ក្រុមហ៊ុន និងការពារកម្មសិទ្ធិបញ្ហារបស់ក្រុមហ៊ុនបានផងដែរ។

តាមការសិក្សាស្រាវជ្រាវបានបង្ហាញឱ្យឃើញថា នៅក្នុងបណ្តាប្រទេសអាស៊ាន កម្ពុជាស្ថិតនៅក្នុងលំដាប់លេខរៀងទី២ បន្ទាប់ពីប្រទេសសឹង្ហបុរី ទាក់ទងនឹងការរៀបចំប្រព័ន្ធលក់ដេញថ្លៃលេខចុះបញ្ជី រថយន្ត តាមប្រព័ន្ធអនឡាញ និងលេខរៀងទី២នៅអាស៊ី បន្ទាប់ពីហុងកុងដែលមានការលក់ដេញថ្លៃលេខ ចុះបញ្ជីពិសេសផ្ទាល់ខ្លួននេះ៕

LEAVE A REPLY

Please enter your comment!
Please enter your name here