រដ្ឋាភិបាលចិន អនុម័តឱ្យក្រុមហ៊ុន Evergrande ចាប់ផ្ដើមលក់រថយន្តអគ្គិសនីដំបូងដែលខ្លួនផលិតបាន

ដោយ សុខុម

សៀងហៃ: រដ្ឋាភិបាលចិន បានអនុម័តឱ្យបុត្រសម្ព័ន្ធនៃក្រុមហ៊ុនអភិវឌ្ឍន៍អចលនទ្រព្យ China Evergrande Group ដែលជំពាក់បំណុលរុំកោះចាប់ផ្តើមបើកលក់រថយន្តអគ្គិសនីដំបូងរបស់ខ្លួនហើយ នោះគឺម៉ូឌែលរថយន្តអគ្គិសនីប្រភេទស្ព័រ Hengchi 5។

ក្រសួងឧស្សាហកម្ម និងបច្ចេកវិទ្យាព័ត៌មាន (MIIT) បានសម្រេចដាក់បញ្ចូលរថយន្តអគ្គិសនី Hengchi ចំនួន២ម៉ូឌែលដែលផលិតដោយក្រុមហ៊ុនបុត្រសម្ព័ន្ធ China Evergrande New Energy Vehicle Group ចូលទៅក្នុងសៀវភៅកាតាឡុករថយន្តអគ្គិសនីដែលខ្លួននិយាយថាត្រូវបានណែនាំសម្រាប់ “ការផ្សព្វផ្សាយ និងការប្រើប្រាស់”។ នេះបើយោងតាមឯកសារដែលនិយ័តករបានចេញផ្សាយកាលពីថ្ងៃច័ន្ទ ទី១៤ មីនា។

ម៉ូឌែលរថយន្តអគ្គិសនីដែលត្រូវបានដាក់បន្ថែមចូលទៅក្នុងសៀវភៅកាតាឡុកនេះ ត្រូវបានចាត់ទុកថាមានសិទ្ធិទទួលបានការឧបត្ថម្ភធន ហើយអាចដាក់លក់នៅលើទីផ្សារបាន។ ក្រសួងឧស្សាហកម្ម និងបច្ចេកវិទ្យាព័ត៌មានបានចេញសេចក្ដីថ្លែងការណ៍ថា ការអនុម័តយល់ព្រមនេះត្រូវបានធ្វើឡើងកាលពីថ្ងៃទី៨ ខែមីនា។

មនុស្សម្នាក់ដែលដឹងពីបញ្ហានេះបានទម្លាយឱ្យដឹងថា ក្រុមហ៊ុន China Evergrande New Energy Vehicle Group នឹងចាប់ផ្ដើមលក់រថយន្តទាំងនេះនៅខែមេសា ដ៏ខ្លីខាងមុខ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ដោយមិនបង្ហាញតួលេខជាក់លាក់ ប្រភពដដែលនិយាយថា គោលដៅនៃការលក់នេះគឺមិនខ្ពស់ពេកទេនៅឆ្នាំនេះ ដោយសារកត្តាផលិតកម្ម ប៉ុន្តែនឹងកើនឡើងយ៉ាងឆាប់រហ័សនៅឆ្នាំក្រោយ។

ទោះជាយ៉ាងណា ក្រុមហ៊ុនអភិវឌ្ឍន៍អចលនទ្រព្យ China Evergrande Group ដែលជាក្រុមហ៊ុនមេបានបដិសេធមិនធ្វើអត្ថាធិប្បាយទេជុំវិញបញ្ហានេះ៕ Reuters៕

LEAVE A REPLY

Please enter your comment!
Please enter your name here