រដ្ឋាភិបាលគ្រោងចុះបញ្ជីរកសិ-ផលិតផលខ្មែរចំនួន១១មុខទៅជាផលិតផលសម្គាល់ភូមិសាស្រ្ត

ដោយៈ ម៉ាលីនណា

 ភ្នំពេញៈ ក្រសួងពាណិជ្ជកម្មបាននិងកំពុងរៀបចំចុះបញ្ជីរម៉ាកសញ្ញាលើផលិតផលកសិកម្ម និងផលិតផលប្រើប្រាស់ចំនួន១១មុខទៀត ទៅក្នុងផលិតផលសម្គាល់ភូមិសាស្រ្ត ដែលមានការទទួលស្គាល់ជាអន្តរជាតិ។

តាមរយៈព៌តមានពីក្រសួងពាណិជ្ជកម្មបានឲ្យដឹងថា ស្ថាប័ននេះកំពុងរៀបចំចុះបញ្ជីម៉ាកសមូហភាព “អំបុកកំពង់ធំ” “នំបញ្ចុកសៀមរាប” “ចម្លាក់ប្រាក់-ស្ពាន់ ឃុំកំពង់លួង-កោះចិនខេត្តកណ្តាល” “ស្មូនឆ្នាំងដីខេត្តកំពង់ឆ្នាំង” និង“ពងទាកូនស្រែរនោង-ខេត្តតាកែវ”។ បន្ថែមពីនេះ ក្រសួងក៏កំពុងសិក្សាស្រាវជ្រាវផលិតផលសក្តានុពល សូត្រខ្មែរ អង្ករសេរីរាង្គព្រះវិហារ ក្រូចពោធិ៍សាត់ អង្ករស្មាច់ស្វាយរៀង ធុរេនសំឡូត មៀនប៉ៃលិន អង្ករនាងអំ ដើម្បីត្រៀមរៀបចំចុះបញ្ជីម៉ាកសមូហភាពផងដែរ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកសួន វិជ្ជាប្រធាននាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្មបានបញ្ជាក់ឲ្យដឹងនាថ្ងៃទី១៥ កុម្ភៈនេះថា នៅចុងឆ្នាំ២០២២ខាងមុខ ក្រសួងគ្រោងនឹងចុះបញ្ជី “ដូងខ្ទិះបាត់ដំបង”ជាម៉ាកសមូហភាព ដើម្បីក្លាយជាទំនិញសំគាល់ភូមិ​សាស្រ្ត ខណៈដែលបច្ចុប្បន្នក្រសួងបានកំពុងសិក្សា និងចងក្រងឯកសារ។

លោកបន្តថា គោលបំណង ក្នុងការជ្រើសរើសយកដូងខ្ទិះបាត់ដំបង ដើម្បីរៀបចំចុះបញ្ជីម៉ាកសមូសហភាព គឺជាគំនិតផ្តួចផ្តើមប្រកបដោយចក្ខុវិស័យ របស់លោករដ្ឋមន្រ្តី ប៉ាន សូរស័ក្តិ ដើម្បីកសាងជាម៉ូដែលអាជីវកម្មថ្មីមួយ ក្នុងការទាញប្រយោជន៍សក្តានុពលរបស់ខេត្ត។

លោកបន្តថា លោករដ្ឋមន្រ្តីចង់ជំរុញផលិតកម្មកសិកម្ម ទៅជាកសិពាណិជ្ជកម្ម ដែលអាចផ្គត់ផ្គង់បរិមាណច្រើន ក៏ដូចជា ការកែច្នៃតំបន់ផលិ​តកម្មដាំដុះ ទៅជាគោលដៅទេសចរណ៍បែបកសិទេសចរណ៍ ដើម្បីបង្កើនការងារ និងចំណូលបន្ថែមដល់ប្រជាពលរដ្ឋ ស្របតាមគោលដៅយុទ្ធសា ស្ត្ររបស់រាជរដ្ឋាភិបាលកម្ពុជា៕

LEAVE A REPLY

Please enter your comment!
Please enter your name here