ក្រុមហ៊ុន Ford គ្រោងវិនិយោគថ្មីរហូតដល់ ២០ពាន់លានដុល្លារអាមេរិក បង្កើតរថយន្តអគ្គិសនី

ដោយៈស្រីលីស

អន្តរជាតិៈ សារព័ត៌មាន Bloomberg បានរាយការណ៍កាលពីថ្ងៃអង្គារម្សិលម៉ិញនេះថា ក្រុមហ៊ុន Ford Motor Co គ្រោងនឹងវិនិយោគបន្ថែមរហូតដល់២០ពាន់លានដុល្លារអាមេរិក ក្នុងការបង្កើតរថយន្តអគ្គិសនីរបស់ខ្លួន ។

របាយការណ៍នេះបាននិយាយថា ការវិនិយោគពី១០ពាន់លានដុល្លារទៅ២០ពាន់លានដុល្លារនឹងធ្វើឡើង ចន្លោះរយៈពេល៥ ទៅ១០ ឆ្នាំខាងមុខ ហើយនឹងរួមបញ្ចូលការបំប្លែង រោងចក្របច្ចុប្បន្នរបស់ខ្លួននៅជុំវិញពិភពលោកទៅជាការផលិតរថយន្តអគ្គិសនី។

នៅក្រោមផែនការមួយដែលមានឈ្មោះថា “Ford+” មានន័យថា អ្នកវិនិយោគផ្នែកក្រុមហ៊ុនបច្ចេកវិទ្យា ក្រុមហ៊ុនផលិតរថយន្តលេខ២របស់សហរដ្ឋអាមេរិកបានសន្យារួចហើយថា នឹងចំណាយប្រាក់ជាង៣០ពាន់លានដុល្លារលើការបង្កើតរថយន្តអគ្គិសនី រួមទាំងការអភិវឌ្ឍន៍ថ្មីនៅឆ្នាំ ២០៣០។

របាយការណ៍បាននិយាយថា ការជំរុញចុងក្រោយបំផុត គឺត្រូវបានដឹកនាំដោយអតីតនាយកប្រតិបត្តិ Apple Inc និង Tesla ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោក Doug Field ដែលជាអតីតថ្នាក់ដឹកនាំជាន់ខ្ពស់របស់ Apple និងធ្លាប់ធ្វើការនៅ Tesla បានចូលរួមជាមួយក្រុមហ៊ុន Ford កាលពីឆ្នាំមុន ដើម្បីដឹកនាំការខិតខំប្រឹងប្រែង ផ្នែកបច្ចេកវិទ្យាទំនើប និងប្រព័ន្ធបង្កប់របស់ក្រុមហ៊ុនផលិតរថយន្ត។

ក្រុមហ៊ុនផលិតរថយន្តធំៗ មកពីក្រុមហ៊ុន General Motors Co, Ford និង Volvo Cars កំពុងធ្វើការផ្លាស់ប្តូរយ៉ាងឆាប់រហ័ស ដើម្បីយកចចំណែកទីផ្សាររបស់ពួកគេ នៅក្នុងកន្លែងប្រកួតប្រជែងរថយន្តអគ្គិសនី និងប្រយុទ្ធប្រឆាំងនឹងគូប្រជែងរថយន្តអគ្គិសនី Tesla ។

របាយការណ៍បានបន្ថែមថា Ford បានវាយតម្លៃការបង្វិលផ្នែកតូចមួយ នៃអាជីវកម្មរថយន្តអគ្គិសនី របស់ខ្លួនជាផ្នែកនៃការរៀបចំឡើងវិញ ដើម្បីចាប់យកតម្លៃនៅក្នុងបរិយាកាស ចាប់ផ្តើមអាជីវកម្មអគ្គិសនី ដែលជំរុញដោយមនោសញ្ចេតនាវិនិយោគិន។

ផែនការថ្មីនេះក៏រួមបញ្ចូលផងដែរ នូវការជួលវិស្វករមួយចំនួនដែលមិនបានបញ្ជាក់ ដើម្បីធ្វើការលើការអភិវឌ្ឍន៍គោលគំនិត ដូចជា គីមីវិទ្យាថ្ម បញ្ញាសិប្បនិមិត្ត និងកម្មវិធីរថយន្តអគ្គិសនី ដែលបង្ហាញពីសារៈសំខាន់កើនឡើងនៃកម្មវិធី និងការតភ្ជាប់ឌីជីថលនៅក្នុងឧស្សាហកម្មរថយន្ត។

អ្នកនាំពាក្យរបស់ក្រុមហ៊ុនបាននិយាយថា “យើងកំពុងអនុវត្តផែនការ Ford+ ដែលមានមហិច្ឆតារបស់យើង ក្នុងការផ្លាស់ប្តូរក្រុមហ៊ុន និងរីកចម្រើនក្នុងយុគសម័យថ្មី នៃរថយន្តអគ្គិសនី” ដោយបន្ថែមថា ពួកគេមិនធ្វើអត្ថាធិប្បាយលើពាក្យចចាមអារ៉ាម និងការរំពឹងទុកនោះទេ។

ការប្រកាសបង្កើនទំហំទុនវិនិយោគនេះ បានធ្វើឲ្យភាគហ៊ុនរបស់ក្រុមហ៊ុន Ford បានកើនឡើងដល់ទៅ ២.៧ ភាគរយកាលពីថ្ងៃអង្គារ៕

LEAVE A REPLY

Please enter your comment!
Please enter your name here