ដើមខែថ្មីតម្លៃប្រេងឥន្ធនៈលក់រាយតាមស្ថានីយ៍ប្រេងបន្តឡើងថ្លៃ

ដោយ៖ លក្ខិណា

ភ្នំពេញ៖ ចាប់ពីថ្ងៃទី១ កុម្ភៈ ២០២២នេះតម្លៃប្រេងឥន្ធនៈលក់រាយនៅតាមស្ថានីយ៍ប្រេងនានានឹងបន្តឡើងថ្លៃបន្ថែមទៀតខណៈកាលពីចុងខែមករា ២០២២កន្លងទៅតម្លៃប្រេងបានហក់ឡើងមួយដំណាក់កាលទៅហើយ។

យោងតាមសេចក្ដីប្រកាសព័ត៌មានរបស់អន្តរក្រសួងរួមមាន ក្រសួងសេដ្ឋកិច្ចនិងហិរញ្ញវត្ថុ ក្រសួងរ៉ែនិងថាមពល និងក្រសួងពាណិជ្ជកម្មនៅថ្ងៃទី១កុម្ភៈ ២០២២នេះឱ្យដឹងថាតម្លៃប្រេងឥន្ធនៈលក់រាយនៅតាមស្ថានីយ៍បានឡើងថ្លៃ ៤.៥០០រៀលក្នុងមួយលីត្រសម្រាប់សាំងធម្មតា និងតម្លៃ៤.២៥០រៀលក្នុងមួយលីត្រសម្រាប់ប្រេងម៉ាស៊ូត។

កាលពីចុងខែមករា២០២២តម្លៃប្រេងលក់រាយនៅតាមស្ថានីយត្រូវបានកំណត់លក់៤.៣៥០រៀលក្នុងមួយលីត្រ (សាំងធម្មតា ) និង៤.០៥០រៀលក្នុងមួយលីត្រសម្រាប់ប្រេងម៉ាស៊ូត។
សេចក្ដីប្រកាសរបស់អន្តរក្រសួងថា តម្លៃប្រេងឥន្ធនៈកំណត់នៅថ្ងៃទី១កុម្ភៈនេះនៅត្រូវអនុវត្តន៍ចាប់ពីថ្ងៃទី១ ដល់ថ្ងៃទី១៥ខែកុម្ភៈ ២០២២។

បើតាមក្រាហ្វិចបម្រែបម្រួលថ្លៃលក់រាយនៃប្រេងឥន្ធនៈលើទីផ្សារប្រទេសកម្ពុជាបានបង្ហាញថាតម្លៃប្រេងឥន្ធនៈបានធ្លាក់ចុះម្ដងរួចហើយកាលពីអំឡុងខែធ្នូ ២០២១ និងបានហក់ឡើងវិញជាបន្តបន្ទាប់នៅដើមខែមករា ឆ្នាំ២០២២នេះ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

យ៉ាងណាក្ដីកំណត់តម្លៃប្រេងឥន្ធនៈលក់រាយនៅកម្ពុជានេះគឺធ្វើឡើងទៅតាមទីផ្សារប្រេងអន្តរជាតិនិងទីផ្សារប្រេងនៅប្រទេសនាំចូល៕

LEAVE A REPLY

Please enter your comment!
Please enter your name here