វិស័យសាធារណៈរបស់សិង្ហបុរីនឹងគ្របដណ្ដប់៦០ភាគរយនៃតម្រូវការសំណង់សរុបក្នុងឆ្នាំនេះ

ដោយៈសុខុម

សឹង្ហបុរី: តម្រូវការសំណង់នៅសិង្ហបុរី ក្នុងឆ្នាំ២០២២ នេះអាចនឹងមានទំហំចន្លោះ ពី២០ពាន់លានដុល្លារអាមេរិក ទៅ២៤ពាន់លានដុល្លារអាមេរិក ដោយវិស័យសាធារណៈ អាចគ្របដណ្ដប់ប្រមាណ៦០ភាគរយ នៃតម្រូវការសរុប។ នេះបើតាមអាជ្ញាធរអគារ និងសំណង់ (BCA) ទម្លាយឱ្យដឹងនៅថ្ងៃពុធ ទី២៦ មករា នេះ។

អាជ្ញាធរនេះនិយាយថា តាមការព្យាករណ៍ តម្រូវការសំណង់ក្នុងវិស័យសាធារណៈ អាចនឹងមានទំហំចន្លោះ ពី១២ពាន់លានដុល្លារអាមេរិក ទៅ១៤,១ពាន់លានដុល្លារអាមេរិក។

ទន្ទឹមនឹងនេះ តម្រូវការសំណង់ក្នុងវិស័យឯកជន អាចនឹងឈានដល់ទំហំចន្លោះពី៨,១៨ពាន់លានដុល្លារអាមេរិក ទៅ៩,៧ពាន់លានដុល្លារអាមេរិក នៅឆ្នាំនេះបើធៀបនឹងទំហំក្នុងឆ្នាំ២០២១។

អាជ្ញាធរអគារ និងសំណង់លើកឡើងថា “ដោយសារមានវិធានការរឹតបន្តឹងលើអចលនទ្រព្យលើកចុងក្រោយនេះ តម្រូវការសំណង់លំនៅដ្ឋានអាចនឹងមានកម្រិតមធ្យម ស្របពេលទីផ្សារកាន់តែមានការប្រុងប្រយ័ត្នបន្ថែមទៀត”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ទោះជាយ៉ាងណា តម្រូវការអគារពាណិជ្ជកម្ម នឹងទទួលបានកំណើនដោយសារសណ្ឋាគារ និងកន្លែងទាក់ទាញទេសចរណ៍នានា ត្រូវការជួសជុលកែលម្អឡើងវិញ ដើម្បីត្រៀមខ្លួនទទួលស្វាគមន៍ទេសចរក្នុងស្រុក។ ហើយទន្ទឹម

នេះ អគារពាណិជ្ជកម្មចាស់ៗ ក៏គ្រោងនឹងធ្វើការអភិវឌ្ឍន៍ឡើងវិញផងដែរ។
លើសពីនេះទៀត តម្រូវការអគារឧស្សាហកម្ម ក្នុងវិស័យឯកជនត្រូវបានរំពឹងថា នឹងទទួលបានកំណើនខ្លះ​​ ដោយសារការសាងសង់កន្លែងស្តុកថាមពល និងរោងចក្រផលិតជីវឱសថ៕ CNA៕

LEAVE A REPLY

Please enter your comment!
Please enter your name here