UNDP សន្យាជួយកៀងគរជំនួយហិរញ្ញវត្ថុសម្រាប់គម្រោងរោងចក្រថាមពលនានានៅកម្ពុជា

ដោយៈសុផារី

ភ្នំពេញ: ទីភ្នាក់ងារអភិវឌ្ឈន៍អង្គការសហប្រជាជាតិ (UNDP) បានសន្យាថា នឹងជួយស្វែងរកជំនួយផ្សេងៗ និងកៀងគរថវិកាពីដៃគូអភិវឌ្ឍន៍នានា ដើម្បីអភិវឌ្ឍវិស័យថាមពលរបស់កម្ពុជា ជាពិសេសលើគម្រោងប្រសិទិ្ធភាពថាមពល និងការប្រយុទ្ធប្រឆាំងបញ្ហាប្រែប្រួលអាកាសធាតុ។


នេះជាការលើកឡើងរបស់ លោកស្រី Alissar Chaker ប្រធាន UNDP ប្រចាំកម្ពុជាក្នុងជំនួបជាមួយ លោក ស៊ុយ សែម រដ្ឋមន្រ្តីក្រសួងរ៉ែ និងថាមពលនៅថ្ងៃទី៣០ ខែវិច្ឆិកា ឆ្នាំ២០២១។

ក្នុងជំនួបខាងលើនេះ ភាគីទាំង២បានស្វែងយល់បន្ថែម អំពីទស្សន:វិស័យរបស់ក្រសួង និងគម្រោងអាទិភាពនានា ពាក់ព័ន្ធទៅនឹងការអភិវឌ្ឍប្រសិទិ្ធភាពថាមពល ក៏ដូចជាឱកាស និងគំនិតផ្តួចផ្តើមថ្មីៗបន្ថែមទៀត ដើម្បីបន្តនិងជំរុញកិច្ចសហប្រតិបត្តិការក្នុងវិស័យថាមពល។

លើសពីនេះភាគីទាំង២ ក៏បេ្តជ្ញាពង្រឹងការអនុវត្ត ស្របតាមអនុស្សារណៈយោគយល់គ្នា និងពង្រឹងភាពជាដៃគូ ក្នុងវិស័យថាមពលបន្តទៀត។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកស៊ុយ សែម បានបង្ហាញនូវគោលដៅ នៃការអភិវឌ្ឍវិស័យថាមពលនៅកម្ពុជា លទ្ធផលការងារ ក៏ដូចជាការរៀបចំគោលនយោបាយជាតិស្តីពី ប្រសិទ្ធភាពថាមពលពាក់ព័ន្ធទៅនឹងបញ្ហាអាកាសធាតុផងដែរ៕

LEAVE A REPLY

Please enter your comment!
Please enter your name here