ដោយៈ ចំណាន
អន្តរជាតិៈ អ្នកជំនាញបាននិាយាយថា សង្គ្រាមអ៊ីរ៉ង់មិនបាន “បំផ្លាញ” សេដ្ឋកិច្ចមជ្ឈិមបូព៌ាទេ ប៉ុន្តែវាបានផ្លាស់ប្តូរឥរិយាបថរបស់វិនិយោគិនយ៉ាងខ្លាំង។
ខាងក្រោមនេះជាអ្វីដែលបានកើតឡើង ចំពោះផលិតផលក្នុងស្រុកសរុប (GDP) និងទំនុកចិត្តរបស់វិនិយោគិនក្នុងឆ្នាំ២០២៦នេះ។
១) ផលិតផលក្នុងស្រុកសរុបក្នុងតំបន់ថយចុះ
មូលនិធិរូបិយវត្ថុអន្តរជាតិ (IMF) និងធនាគារពិភពលោក (World Bank) បានកាត់បន្ថយការព្យាករណ៍ កំណើនសម្រាប់មជ្ឈិមបូព៌ា ដោយសារតែការរំខានទាក់ទងនឹងសង្គ្រាម ជាពិសេសការនាំចេញថាមពល ការដឹកជញ្ជូន ទេសចរណ៍ និងភស្តុភារ។ ការព្យាករណ៍មួយចំនួនឥឡូវនេះ បង្ហាញពីកំណើនមជ្ឈិមបូព៌ាប្រហែល ១,១%ទៅ១,៨% ក្នុងឆ្នាំ២០២៦ ដែលទាបជាងការរំពឹងទុកពីមុន។
២) ប្រទេសនាំចេញប្រេងមានលទ្ធផលចម្រុះ
ប្រទេសដូចជាអារ៉ាប៊ីសាអូឌីត អេមីរ៉ាតអារ៉ាប់រួម និងកាតា ទទួលបានអត្ថប្រយោជន៍ ពីតម្លៃប្រេងខ្ពស់ក្នុងរយៈពេលខ្លី ប៉ុន្តែវិស័យមិនមែនប្រេងដូចជាទេសចរណ៍ អាកាសចរណ៍ និងពាណិជ្ជកម្មបានរងទុក្ខ។
ដូច្នេះប្រាក់ចំណូលប្រេងខ្ពស់ បានជួយថវិការដ្ឋាភិបាល ប៉ុន្តែវាមិនបានទូទាត់ការខូចខាត នៅកន្លែងផ្សេងទៀតទាំងស្រុងនោះទេ។
៣) ទំនុកចិត្តរបស់វិនិយោគិនបានធ្លាក់ចុះជាមុនសិន
នៅដើមដំបូងនៃជម្លោះ វិនិយោគិនបានប្រុងប្រយ័ត្នដោយសារបញ្ហាមួយចំនួនដូចជា
- ទីផ្សារភាគហ៊ុនមានភាពប្រែប្រួល
- គម្រោងមួយចំនួនត្រូវបានពន្យារពេល
- បុព្វលាភហានិភ័យកើនឡើង
- វិនិយោគិនបរទេសទាមទារប្រាក់ចំណេញ ខ្លាំងជាងមុនពេលចូលទៅក្នុងកិច្ចព្រមព្រៀង។
ប៉ុន្តែនៅពេលដែលសញ្ញានៃការថយចុះ ភាពតានតឹងបានលេចឡើង ទីផ្សារបានចាប់ផ្តើមមានស្ថេរភាព។ ផ្សារហ៊ុនឈូងសមុទ្រថ្មីៗនេះបានកើនឡើងខ្ពស់ ដែលបង្ហាញថាវិនិយោគិនមានឆន្ទៈ ក្នុងការត្រឡប់មកវិញ ប្រសិនបើភាពតានតឹងបានធូរស្រាល។
ទំនុកចិត្តអាចត្រឡប់មកវិញ ប៉ុន្តែវាមានលក្ខខណ្ឌដែលវិនិយោគិនកំពុងសម្លឹលមើលលើទិដ្ឋភាពមួយចំនួនដូចជា ស្ថិរភាពសន្តិសុខ
។ ការដឹកជញ្ជូនប្រេងដែលមិនមានការរំខាន (ជាពិសេសច្រកសមុទ្រ Hormuz)។ ភាពស៊ីសង្វាក់គ្នា នៃគោលនយោបាយរបស់រដ្ឋាភិបាល
ភាពធន់នៃហេដ្ឋារចនាសម្ព័ន្ធ។ ការធ្វើពិពិធកម្មរយៈពេលវែងលើសពីប្រេង។
តើវិនិយោគិននឹងទុកចិត្តតំបន់នេះម្តងទៀតទេ? សម្រាប់ទីផ្សារឈូងសមុទ្រកំពូលៗ មនុស្សជាច្រើនមានរួចហើយ ដោយសារតែកន្លែងដូចជាទីក្រុងឌូបៃ អាប៊ូដាប៊ី និងអារ៉ាប៊ីសាអូឌីតនៅតែមាន ទី១
មូលនិធិទ្រព្យសម្បត្តិរដ្ឋ ទី២ បំពង់បង្ហូរគម្រោងធំៗ ទី៣ សាច់ប្រាក់ងាយស្រួលខ្លាំង ទី៤ ទីតាំងអាជីវកម្មសកល។
កត្តាទាំងនេះធ្វើឱ្យវិនិយោគិនចូលរួម សូម្បីតែក្នុងអំឡុងពេលវដ្តជម្លោះក៏ដោយ ប៉ុន្តែវិនិយោគិននឹងមានការជ្រើសរើសច្រើនជាងមុន។
ដើមទុនកំពុងឆ្ពោះទៅរក៖
- មជ្ឈមណ្ឌលដឹកជញ្ជូន
- ហេដ្ឋារចនាសម្ព័ន្ធថាមពល
- មជ្ឈមណ្ឌលទិន្នន័យ
- អចលនទ្រព្យការពារ
- លំនៅដ្ឋានលំដាប់ខ្ពស់នៅក្នុងទីក្រុងដែលមានស្ថិរភាព។
ទោះជាយ៉ាងណាឥលូវនេះ តំបន់នេះមិនសូវទាក់ទាញដោយសារការផ្គត់ផ្គង់លើសកម្រិតប្រណីតហួសហេតុ។ គម្រោងដែលពឹងផ្អែកលើវិស័យទេសចរណ៍ នៅក្នុងតំបន់ដែលមិនស្ថិតស្ថេរ និងការអភិវឌ្ឍដែលមានអានុភាពខ្ពស់៕
