ដោយៈគង់ សិរីជេស៊ីកា
ភ្នំពេញៈ ទីផ្សារលក់រាយតាមរយៈផ្សារទំនើប និងផ្សារបែបសហគមន៍៍បានបន្តកើនឡើងនូវការផ្គត់ផ្អង់ ប៉ុន្តែតម្លៃជួល និងអតត្រាប្រើប្រាស់នៅតែបន្តន្រធ្លាក់ចុះ ដោយសារវិបត្តិកូវីដ១៩។
យោងតាមការស្រាវជ្រាវរបស់ក្រុមហ៊ុនអចលនទ្រព្យ CBRE Cambodia ដែលបានបង្ហាញកាលពីពេលថ្មីៗនេះបានឲ្យដឹងថា កាលពីត្រីមាសទី ៣ កន្លងមកក្នុងរាជធានីភ្នំពេញមានកន្លែងលក់រាយប្រភេទ Community Mall ចំនួន ៣ បានដាក់ចូលទីផ្សារដែលរួមមានគម្រោង SCG Design Village, The Commune និង MC Park។
របាយការណ៍៍សិក្សាដដដែលបានបង្ហាញឲ្យដឹងទៀតថា សម្រាប់អត្រាប្រើប្រាស់របស់កន្លែងលក់រាយនៅភ្នំពេញ ក្នុងត្រីមាសទី ៣ ឆ្នាំ ២០២១ គឺមានចំនួន ៦៧,៧ ភាគរយធ្លាក់ចុះ ៣,៨ ភាគរយបើធៀបនឹងត្រីមាសទី ២ ឆ្នាំ ២០២១។
រីឯតម្លៃជួលក្នុងត្រីមាសទី៣ គឺកន្លែងជួលលក់រាយប្រភេទ Prime High Street (ហាងលក់ទំនិញតាមផ្លូវធំៗ) មានតម្លៃជួលមធ្យម ២៣,៦០ ដុល្លារក្នុង ១ ម៉ែត្រការ៉េរយៈពេល ១ ខែ ធ្លាក់ចុះ ០,៤ ភាគរយធៀបត្រីមាសទី២ ឆ្នាំ ២០២១, Shopping Mall (ផ្សារទំនើបខ្នាតធំ) មានតម្លៃ ៤០,៨០ ដុល្លារ ធ្លាក់ចុះ ២,៤ ភាគរយ, Retail Podium (ហាងលក់ទំនិញតាមអគារពាណិជ្ជកម្ម) មានតម្លៃ ២៤,៣០ ដុល្លារ ធ្លាក់ចុះ ៩ ភាគរយ និង Community Mall មានតម្លៃថេរ ២១,៥០ដុល្លារ។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឲ្យដឹងថា ចាប់តាំងពីការផ្ទុះជំងឺកូវីដ ១៩ លើពិភពលោកកាលពីដើមឆ្នាំ ២០២០ ទីផ្សារកន្លែងជួលលក់រាយបានធ្លាក់ចុះជាបន្តបន្ទាប់។ ប៉ុន្តែអ្វីដែលជាការដាក់សម្ពាធបន្ថែមនោះ គឺព្រឹត្តិការណ៍សហគមន៍ ២០កុម្ភៈ ដែលបង្ខំឱ្យអាជ្ញាធរបិទ កន្លែងលក់រាយមួយចំនួន ដើម្បីកាត់ផ្តាច់ការឆ្លងជំងឺកូវីដ ១៩។
អ្នកនាង កេសា បានអះអាងថា នឹងមិនងាយងើបឡើងវិញទេ នៅក្នុងអំឡុងពេលខាងមុខឆាប់ៗនេះ ព្រោះក្តីបារម្ភពីការផ្ទុះជាថ្មីនៃជំងឺកូវីដ-១៩ និងការដាក់ចូលទីផ្សារនៅតែមានជាបន្តបន្ទាប់៕