ដោយ៖ ម៉ាណេត
ភ្នំពេញ៖ ក្នុងត្រីមាស ទី២ ឆ្នាំ២០២០ ថ្លៃបិទភាគហ៊ុនរបស់ក្រុមហ៊ុនកំពង់ផែស្វយ័តក្រុងព្រះសីហនុ (PAS) ប្រែប្រួលក្នុងចន្លោះពី ១២.៨៤០ រៀល ដល់ ១៧. ៥៤០ រៀល ខណៈទំហំជួញដូរកើនឡើងប្រមាណ ២១% ធៀបនឹងត្រីមាសទី១ ឆ្នាំ២០២០ ដែលកើនឡើងពី ៨៧.៨៧១ ភាគហ៊ុន ដល់ ១០៦.០១៧ ភាគហ៊ុន ក្នុងត្រីមាសទី២ ឆ្នាំ២០២០។
នេះបើយោងតាមរបាយការណ៍របស់ក្រុមហ៊ុន PAS ដែលដាក់ជួនផ្សារមូលបត្រកម្ពុជាកាលពីពេលថ្មីៗនេះ។
របាយការណ៍បាន ឱ្យដឹងថា តម្លៃ ជួញដូរភាគហ៊ុនសរុបមានចំនួនប្រហែល ១,៦៥២ លានរៀល (ប្រហែល ៤០៣, ៦០ ពាន់ដុល្លារសហរដ្ឋ អាមេរិក)។
បរិមាណបញ្ហាលក់ភាគហ៊ុន PAS សរុប ដែលបានដាក់បញ្ចូលក់ដោយវិនិយោគិនជនជាតិខ្មែរមានចំនួន ៧៨, ៩៩ % និងបញ្ហាលក់ធ្វើឡើងដោយវិនិយោគិនបរទេសមានចំនួន ២១,០១% នៃបរិមាណ ដាក់បញ្ចូលក់សរុប។
ក្នុងនោះដែរ បរិមាណបញ្ជាលក់ភាគហ៊ុន PAS ធ្វើឡើងដោយវិនិយោគិនរូបវន្តបុគ្គលមានចំនួន ៩៩, ៦៧ ក្រុមហ៊ុនមូលបត្រមានចំនួន ០,៣៣% និងពុំមានការចូលរួមពីវិនិយោគិននីតិបុគ្គលនោះទេ។
ចំពោះបរិមាណបញ្ជាទិញភាគហ៊ុន PAS សរុបដែលបានដាក់បញ្ជាទិញដោយវិនិយោគិនជនជាតិ ខ្មែរមានចំនួន ៨៥, ៧៧ %, និងបញ្ជាទិញធ្វើឡើងដោយវិនិយោគិនបរទេសមានចំនួន ១៤ បរិមាណដាក់បញ្ជាទិញសរុប , ២៣% នៃ ។ ក្នុងនោះដែរ បរិមាណបញ្ជាទិញភាគហ៊ុន PAS ទាំងអស់ធ្វើឡើងដោយ វិធិ យោតិនៃរូបវន្តបុគ្គលចំនួន ១០០% ដោយ ទេ។ ពុំមានការចូលរួមពីវិនិយោគិននីតិបុគ្គល និងក្រុមហ៊ុនមូលបត្រនោះទេ។
បើយោងតាមរបាយការណ៍ប្រចាំឆ្នាំបានពីក្រសួងសាធារណការ និងដឹកជញ្ជូនចំនួនកុងតឺន័រផ្ទុកនៅកំពង់ផែនេះបានកើនឡើង ១៧ ភាគរយ ដោយកើនដល់ចំនួនសរុប ៦៣៣ ០៩៩ កុងតឺន័រត្រឹមចុងឆ្នាំមុន។ ចំនួនគិតជាតោនសរុបបានកើនឡើង ២២,៦ ភាគរយដែលកើនឡើងដល់ជាង ៦,៥ លានតោន ខណៈដែលចំនួនសរុបនាវាដែលឆ្លងកាត់បានកើនឡើង ១៥,៥ ភាគរយដល់ ១ ៦៦១ គ្រឿង។
PAS បានរាយការណ៍ប្រាក់ចំណូលចំនួន ៨៣,៤៨ លានដុល្លារកាលពីឆ្នាំមុន កើនឡើង ២១,១៧ ភាគរយធៀបទៅនឹងរយៈពេលដូចគ្នាកាលពីឆ្នាំមុន និងប្រាក់ចំណេញប្រតិបត្តិការចំនួន ២០,៣៤ លានដុល្លារ កើនឡើង ២៧ ភាគរយ។ នេះបើយោងតាមឯកសាររបស់ខ្លួនផ្ញើទៅផ្សារហ៊ុន។
លោក ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូនបានឲ្យដឹងកាលពីខែកុម្ភៈថា រដ្ឋាភិបាលកំពុងរៀបចំផែនការសាងសង់ចំណតកុងតឺន័រថ្មីមួយរបស់កំពង់ផែនេះ ដើម្បីឲ្យមានជម្រៅជ្រៅជាង ១៤,៥ ម៉ែត្រ ដែលអាចបម្រើសេវាកម្មប្រហែល ៩៣ ភាគរយនៃនាវាធំៗទាំងអស់ធ្វើដំណើរនៅក្នុងតំបន់អាស៊ីប៉ាស៊ីហ្វិក អាចចូលចតដោយផ្ទាល់ ដោយមិនចាំបាច់ឈប់នៅប្រទេសសិង្ហបុរី ឬទីក្រុងហុងកុងឡើយ៕
