ដោយៈលក្ខិណា
ភ្នំពេញៈ គ្រឹះស្ថានមីក្រូហិរញ្ញវត្ថុអេអឹមខេ បានពង្រីកវិសាលភាពក្នុងការផ្ទេរប្រាក់ទៅកាន់ទីផ្សារបរទេសកាន់តែទូលំទូលាយ ដោយអតិថិជនចំណាយថ្លៃសេវាតិចបំផុតគឺ១ដុល្លារប៉ុណ្ណោះ ។
យោងតាមសេចក្តីប្រកាសព័ត៌មាន របស់គ្រឹះស្ថានមីក្រូហិរញ្ញវត្ថុនេះបានឱ្យដឹងថាកម្មវិធីផ្តល់ជូនពិសេស មិនធ្លាប់មានពីមុន សម្រាប់ការវេរលុយទៅក្រៅប្រទេស ត្រឹមតែ១ដុល្លារ រហូតដល់ចំនួន១២ប្រទេស ដែលផ្តល់ដោយគ្រឹះស្ថានមីក្រូហិរញ្ញវត្ថុ អេ អឹម ខេ សម្រាប់ការវេរពី AMK Mobile តាមរយៈ UnionPay និង EMQ LTD ទៅកាន់ប្រទេសរួមមានដូចជា ប្រទេសចិន ថៃ វៀតណាម ហ្វីលីពីន ជប៉ុន ម៉ាឡេស៊ី ឥណ្ឌូនេស៊ី ឡាវ ហុងកុង ម៉ាកាវ កូរ៉េ និងសិង្ហបុរី។
សេចក្ដីប្រកាសនេះឱ្យដឹងថា ការផ្តល់ជូនតម្លៃពិសេសនេះ នឹងផ្តល់ផលចំណេញលើសលុបសម្រាប់អ្នក ដែលមានតម្រូវការវេរលុយ ទៅបណ្តាទីផ្សារ និងប្រទេសខាងលើ នេះចាប់ពីថ្ងៃនេះ រហូតដល់ចុងឆ្នាំ២០២១។ បន្ថែមលើនេះទៀត ជាមួយបទពិសោធន៍ធនាគារទំនើបទាន់សម័យ របស់កម្មវិធីទូរស័ព្ទដៃAMK Mobile ធ្វើឱ្យអ្នកប្រើប្រាស់ កាន់តែងាយស្រួលក្នុងវេរលុយក្នុង និងទៅក្រៅប្រទេសជាពិសេស ទៅកាន់សាច់ញាតិបងប្អូន ឬដៃគូ រកស៊ី ដែលកំពុងរស់នៅតាមបណ្តា ប្រទេសខាងលើ តាមរយៈបណ្តាញប្រតិបត្តិការដ៏ទូលំទូលាយរបស់ UnionPay និង EMQ បានយ៉ាងឆាប់រហ័ស សុវត្ថិភាពខ្ពស់ និងសន្សំសំចៃថែមទៀតផង។
លោក ជា រតនា នាយកប្រតិបត្តិគ្រប់គ្រងបណ្តាញភ្នាក់ងារ បានមានប្រសាសន៍ថា កិច្ចសហការផ្តល់ជូនពិសេសនេះ មិនត្រឹមតែអាចជួយ សន្សំសំចៃខ្ពស់ដល់អ្នកប្រើប្រាស់នោះទេ ថែមទាំងផ្តល់ឱកាសឱ្យពួកគេ អាចប្រើប្រាស់សេវាកម្មហិរញ្ញវត្ថុ ជាច្រើនទៀតរបស់ AMK Mobile ដោយមិនអស់ថ្លៃសេវា។
លោកបញ្ជាក់ថា ដើម្បីអាចផ្ទេរប្រាក់អស់ថ្លៃសេវាត្រឹមតែដុល្លារ ទៅកាន់ទីផ្សារ និងប្រទេសទាំង១២នេះ អតិថិជនគ្រាន់តែដោនឡូត និងចុះឈ្មោះប្រើប្រាស់កម្មវិធី AMK Mobile តាមតំណនេះ http://onelink.to/ss87zk ឬ អាចបើកគណនីដោយខ្លួនឯងបានភ្លាមៗប្រសិនបើមិនទាន់មានគណនីនៅ អេ អឹម ខេ បន្ទាប់មកចុច ប៊ូតុង វេរលុយ នៅលើកម្មវិធី រួចជ្រើសរើសយកប្រតិបតិបត្តិការ “វេរទៅកាត UnionPay ឬ EMQ” និង បំពញព័ត៌មានចាំបាច់៕