ក្រុមហ៊ុនយក្ស Blackstone គ្រោងវិនិយោគលើអចលនទ្រព្យបន្ថែមទៀតនៅសិង្ហបុរី បន្ទាប់ពីចុះព្រមព្រៀងតម្លៃ១៣២លានដុល្លារ

A general exterior view of the newly opened Sandcrawler building in Singapore, on Thurs, Jan. 16, 2014. The building will be the regional headquarters for Lucasfilm Singapore, The Walt Disney Company (Southeast Asia) and ESPN Asia Pacific. Lucasfilm Singapore will also be working on animation and visual effects for the upcoming Star Wars movies. Photographer: Nicky Loh/Bloomberg

សុខុម
សិង្ហបុរី: ក្រុមហ៊ុន Blackstone Group Inc នៅពេលនេះមានគម្រោងបោះទុនវិនិយោគលើអចលនទ្រព្យបន្ថែមទៀតនៅក្នុងប្រទេសសិង្ហបុរី ដើម្បីទាញយកផលចំណេញពីការកើនឡើងតម្រូវការការិយាល័យក្នុងចំណោមក្រុមហ៊ុនបច្ចេកវិទ្យានានា ដែលកំពុងពង្រីកខ្លួននៅក្នុងរដ្ឋបុរី (ប្រទេសមានតែក្រុង) មួយនេះ។ នេះបើយោងតាមសារព័ត៌មាន Bloomberg ចុះផ្សាយនៅថ្ងៃទី២១ មេសា។

ក្រុមហ៊ុនមូលបត្រខ្នាតយក្សរបស់សហរដ្ឋអាមមេរិក មួយនេះប្រកាសថា ខ្លួនបានទិញអគារកម្ពស់៨ជាន់មួយពីក្រុមហ៊ុនអចលនទ្រព្យ Lucas Real Estate ឬហៅថា Sandcrawler ក្នុងតម្លៃ១៣២លានដុល្លារអាមេរិក។

ចំណាត់ការរបស់ក្រុមហ៊ុននេះឆ្លុះបញ្ចាំងពីភាពទាក់ទាញខ្លាំង នៃអចលនទ្រព្យក្នុងប្រទេសសិង្ហបុរី ចំពោះវិនិយោគិនបរទេស ខណៈសិង្ហបុរី ដែលជាមជ្ឈមណ្ឌលហិរញ្ញវត្ថុពិភពលោកកំពុងព្យាយាមបង្កើនភាពទាក់ទាញរបស់ខ្លួនសម្រាប់បណ្ដាក្រុមហ៊ុនបច្ចេកវិទ្យា។

ការបណ្ដាក់ទុនរបស់ក្រុមហ៊ុនយក្សៗរបស់សហរដ្ឋអាមេរិក រួមមានក្រុមហ៊ុន Amazon.com Inc និងក្រុមហ៊ុន Facebook Inc ព្រមទាំងក្រុមហ៊ុនយក្សៗរបស់ចិន Alibaba Group Holding Ltd និងក្រុមហ៊ុន ByteDance Ltd នៅក្នុងប្រទេសសិង្ហបុរី កំពុងធ្វើឱ្យប្រទេសនេះក្លាយជាគោលដៅដ៏ទាក់ទាញខ្លាំងបំផុតសម្រាប់តំបន់អាស៊ីអាគ្នេយ៍។

កិច្ចព្រមព្រៀងជាមួយក្រុមហ៊ុនអចលនទ្រព្យ Sandcrawler នេះគឺជាកិច្ចព្រមព្រៀងទិញអចលនទ្រព្យដំបូងរបស់ក្រុមហ៊ុន Blackstone នៅក្នុងប្រទេសសិង្ហបុរី ក្រោមយុទ្ធសាស្រ្ត “Core Plus” របស់ខ្លួនដែលបច្ចុប្បន្នមានទ្រព្យសកម្មរហូតដល់ទៅ៣,៦ពាន់លានដុល្លារ ដែលស្ថិតក្រោមការគ្រប់គ្រងនៅតំបន់អាស៊ី។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោក Alan Miyasaki ដែលជានាយកគ្រប់គ្រងជាន់ខ្ពស់ផ្នែកទិញអចលនទ្រព្យនៅអាស៊ី ប្រចាំក្រុមហ៊ុន Blackstone បានលើកឡើងថា “ប្រសិនបើយើងអាចទិញអគារ៥ទៀតដូចដែលយើងបានទិញពីក្រុមហ៊ុន Sandcrawler យើងនឹងទិញ”។

លោកលើកឡើងទៀតថា ក្រុមហ៊ុនបច្ចេកវិទ្យា និងក្រុមហ៊ុនប្រព័ន្ធផ្សព្វផ្សាយកាន់តែច្រើននឹងពង្រីកវត្តមានរបស់ខ្លួននៅក្នុងប្រទេសសិង្ហបុរី ហើយហេតុផលដ៏សំខាន់មួយគឺប្រទេសនេះមានសមត្ថភាពគ្រប់គ្រាន់នៅក្នុងការការពារកម្មសិទ្ធិបញ្ញា។ ភាពតានតឹងផ្នែកភូមិសាស្ត្រនយោបាយនៅកន្លែងផ្សេងទៀតក៏ធ្វើឱ្យប្រទេសដ៏តូចមួយនេះក្លាយជាជម្រើសដ៏គួរឱ្យទាក់ទាញមួយដែរ។

លោកបានបន្ថែមថា “ប្រទេសសិង្ហបុរី គឺជាកន្លែងដែលគ្រប់គ្នាយល់ស្របទទួលស្គាល់ថាជាប្រទេសស្វ‍៊ីស ប្រចាំតំបន់អាស៊ី”។

ក្រុមហ៊ុន Blackstone បាននិងកំពុងវិនិយោគលើអចលនទ្រព្យជាបន្តបន្ទាប់នៅកន្លែងផ្សេងទៀតក្នុងទ្វីបអាស៊ី ដែលជាផ្នែកមួយនៃយុទ្ធសាស្ត្ររបស់ខ្លួន។ ក្រុមហ៊ុននេះកាន់កាប់ការិយាល័យច្រើនបំផុតនៅប្រទេសឥណ្ឌា រហូតដល់ទៅប្រមាណ៥០%នៃចំណែកទីផ្សារការិយាល័យសរុបក្នុងប្រទេសសម្រាប់ជួលឱ្យក្រុមហ៊ុនបច្ចេកវិទ្យាទូទាំងពិភពលោក៕

LEAVE A REPLY

Please enter your comment!
Please enter your name here