ក្រុងតាខ្មៅ​ផ្តោត​សំខាន់​លើ​អចលនទ្រព្យ​ដែល​បង្កើត​ប្រាក់​ចំណូល ​និង​ដី​ដែល​មាន​ទីតាំង​ល្អ​ជា​មួយ​ការ​ស្វាគមន៍​ទីក្រុងរណបថ្មី​

ដោយៈ ស៊ីវ ម៉េង

   កណ្តាលៈ ក្រុងតាខ្មៅ ខេត្តកណ្តាល កំពុងមានទំនាក់ទំនងកាន់តែខ្លាំងឡើង ជាមួយតំបន់អភិវឌ្ឍន៍ នៅភាគខាងត្បូងរាជធានីភ្នំពេញ ដោយមានព្រលានយន្តហោះអន្តរជាតិតេជោ និងហេដ្ឋារចនាសម្ព័ន្ធដឹកជញ្ជូនជួយគាំទ្រដល់ការអភិវឌ្ឍន៍រយៈពេលវែង។

១. ដីជាប់ផ្លូវធំ

សម្រាប់ការវិនិយោគរយៈពេលវែង អ្នកវិនិយោគគួរស្វែងរកដីដែលមានលក្ខណៈដូចខាងក្រោម នៅជិតផ្លូវធំៗ និងផ្លូវតភ្ជាប់ដឹកជញ្ជូនដែលមានស្រាប់ ឬទីក្រុងរណប ដែលបាននិងកំពុងសាងសង់ និងនាំក្រុងតាខ្មៅ លេខកិត្យានុភាពនាពេលអនាគត។

២.មានប័ណ្ណកម្មសិទ្ធិ (ប្លង់រឹង)

ភាពច្បាស់លាស់នៃប័ណ្ណកម្មសិទ្ធ មានសារៈសំខាន់សម្រាប់បញ្ចៀសហានិភ័យនាពេលអនាគតផង និងមានសារៈសំខាន់សម្រាប់ការរក្សាតម្លៃ និងទាញយកត​ម្លៃបន្ថែមសម្រាប់ទីផ្សារផងដែរ។

ខេត្តនេះ បច្ចុប្បន្នមានប្រព័ន្ធបង្ហូរទឹក និងហេដ្ឋារចនាសម្ព័ន្ធទឹក-ភ្លើងល្អ និងមានទីតាំងនៅជិតតំបន់ ដែលមានមនុស្សរស់នៅស្រាប់ ដើម្បីធានាថាមានតម្រូវការជាក់ស្តែង។

៣.ជាយុទ្ធសាស្ត្រទិញដីទុក (land-banking)

សម្រាប់រយៈពេល៥ ទៅ១០ឆ្នាំ។ ហេដ្ឋារចនាសម្ព័ន្ធអាចជួយបង្កើនតម្រូវការដីធ្លី ប៉ុន្តែមិនមែនដីគ្រប់ទីតាំង សុទ្ធតែទទួលបានផលប្រយោជន៍ស្មើគ្នានោះទេ។ ហេតុនេះការទិញផ្ទះអាជីវកម្មខ្នាតតូច / អគារពាណិជ្ជកម្ម នៃគម្រោងទីក្រុងVictoria Parklandសម្រាប់បង្កើតលំហូរសាច់ប្រាក់ ជាមួយផែនការកសាងតំបន់អភិវឌ្ឍន៍ពាណិជ្ជ កម្មបែបរសរវើកនាពេលអនាគត។

ហាងលក់ទំនិញខ្នាតតូច (Mini-market) ភោជនីយដ្ឋាន ឬហាងកាហ្វេ ឱសថស្ថាន អាជីវកម្មផ្តល់សេវាកម្មផ្សេងៗ ការិយាល័យ
ឃ្លាំង ឬបន្ទប់តាំងបង្ហាញទំនិញ (showroom) ខ្នាតតូច
ក្រុងតាខ្មៅមានការអភិវឌ្ឍន៍ទាំងលំនៅដ្ឋាន និងពាណិជ្ជកម្មរួចហើយ ដោយគម្រោងដែលមានស្រាប់រួមមាន ផ្ទះអាជីវកម្ម អាជីវកម្មផ្នែកម្ហូបអាហារ/បដិសណ្ឋារកិច្ច និងវីឡា។

ជាមួយគ្នានឹងការកើនឡើងប្រជាសាស្រ្ត(ចំនួនប្រជាជន) ការរីកចម្រើនផ្នែកនគរូបនីយកម្ម ហេដ្ឋារចនាសម្ព័ន្ធ ឥទ្ធិពលចេញពីព្រលានយន្តហោះអន្តរជាតិតេជោ និងការទទួលផលពីរាជធានីភ្នំពេញ អ្នកអភិវឌ្ឍន៍គម្រោងទីក្រុងVictoria Parkland លោកបណ្ឌិតតេង រិទ្ធីបានលើកឡើងថា ទីក្រុងតាខ្មៅ មានសក្តានុពលខ្លាំងនាពេលអនាគត ជាមួយនឹងមូលដ្ឋាននៃការរីកចម្រើន ដែលមានស្រាប់ និងការកសាងគម្រោងទីក្រុងរបស់យើង ដោយប្រែក្លាយតំបន់នេះ ជាកន្លែងអភិវឌ្ឍន៍ ពាណិជ្ជកម្មយ៉ាងរសរវើក។

Victoria Parkland ស្ថិតនៅផ្ទៃដីទំហំ៥០ហិតា​ដែលអ្នកអភិវឌ្ឍន៍ កំពុងផ្តោតលើដីឡូត៍ខ្នាតវីឡា សាងសង់ខុនដូ សាលារៀន ផ្សារទំនើប អាគារពាណិជ្ជកម្ម សណ្ឋាគារ និងកន្លែងលេងកម្សាន្តជាច្រើននាពេលខាងមុខ។

លោកបណ្ឌិតតេង រិទ្ធីបានបញ្ជាក់ថា “យើងកសាងគំរោងនេះ ដោយឈរលើគុណតម្លៃ និងបង្កើនតម្លៃសម្រាប់អនាគតលើទីក្រុងនេះ ដែលនឹងវាជាLandmark ថ្មីមួយសម្រាប់ខេត្តកណ្តាល”៕