ដោយ: សហសេវិក
អន្តរជាតិ: តម្លៃប្រេងឆៅបានធ្លាក់ចុះនៅថ្ងៃសុក្រនេះ បន្ទាប់ពីលោក Scott Bessent រដ្ឋមន្ត្រីក្រសួងរតនាគារ
អាមេរិក បានអះអាងថា ទីក្រុងវ៉ាស៊ីនតោនអាចនឹងលុបចោលទណ្ឌកម្មលើប្រេងឆៅរបស់អ៊ីរ៉ង់ដែលស្តុកទុកនៅលើនាវាដឹកប្រេងនៅក្រៅប្រទេស។
លោក Bessent បានថ្លែងបញ្ជាក់ប្រាប់សារព័ត៌មាន Fox Business Network ថា ក្នុងរយៈពេលប៉ុន្មានថ្ងៃខាងមុខនេះ យើងអាចនឹងលុបចោលទណ្ឌកម្មប្រេងអ៊ីរ៉ង់ដែលផ្ទុកនៅលើនាវា ប្រហែល ១៤០លានបារ៉ែល។
តម្លៃប្រេងឆៅ Brent future សម្រាប់ចែកចាយនៅខែឧសភា បានធ្លាក់ចុះ០,៤ភាគរយមកនៅត្រឹម ១០៨,២៣ដុល្លារក្នុងមួយបារ៉ែល ខណៈតម្លៃប្រេងឆៅ West Texas Intermediate សម្រាប់ចែកចាយនៅខែមេសា បានធ្លាក់ចុះ០,៦% មកត្រឹម៩៥,៥៦ដុល្លារក្នុងមួយបារ៉ែល៕
