អស់ជម្រើស បារាំង ចង់ឱ្យអ៊ីរ៉ង់ និងវេណេហ្ស៊យអេឡា ត្រលប់មកកាន់ទីផ្សារប្រេងវិញដើម្បីជំនួសរុស្ស៊ី

ដោយ សុខុម

អាល្លឺម៉ង់: តាមដឹង ប្រទេសអ៊ីរ៉ង់ និងប្រទេសវេណេហ្ស៊ុយអេឡា ត្រូវបានដាក់ទណ្ឌកម្មដោយលោកខាងលិច មកទល់នឹងសព្វថ្ងៃ។ ប៉ុន្តែដោយសារអស់ជម្រើស ប្រទេសបារាំង ចង់ឱ្យប្រទេសទាំងពីរនេះវិលត្រលប់មកកាន់ទីផ្សារប្រេងវិញដើម្បីជំនួសរុស្ស៊ី។

មន្ត្រីមួយរូបនៅវិមានប្រធានាធិបតីបារាំង បានទម្លាយឱ្យដឹងកាលពីថ្ងៃច័ន្ទ ទី២៧ ខែមិថុនា ថា ប្រទេសបារាំង ចង់ឱ្យប្រទេសដែលរងទណ្ឌកម្មទាំងពីរខាងលើត្រលប់មកកាន់ទីផ្សារប្រេងវិញ ដើម្បីកាត់បន្ថយការពឹងផ្អែកលើប្រេងរុស្ស៊ី។

ដំណឹងនេះកើតមានឡើង ស្របពេលលោកខាងលិច សហភាពអឺរ៉ុប និងបណ្ដាសម្ព័ន្ធមិត្តបង្កើនការដាក់ទណ្ឌកម្មលើរុស្ស៊ី ក្នុងគោលបំណងផ្ដាច់ដង្ហើមសេដ្ឋកិច្ចរបស់រុស្ស៊ី ជាការដាក់ទណ្ឌកម្មចំពោះទង្វើរបស់ខ្លួននៅក្នុងការបញ្ឆេះសង្គ្រាមចូលឈ្លានពានប្រទេសអ៊ុយក្រែន។

ប្រទេសបារាំង ក៏ចង់ឱ្យមានយន្តការគ្រោងទុកមួយដើម្បីទប់តម្លៃប្រេងតាមដែលអាចធ្វើទៅបានផងដែរ ធ្វើយ៉ាងណាកុំឱ្យប្រេងហក់ឡើងថ្លៃខ្លាំងពេក។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

មន្ត្រីបារាំង ដដែលក៏បានលើកឡើងដែរថា ប្រធានាធិបតីអ៊ុយក្រែន លោក Volodymyr Zelenskiy បានប្រាប់មេដឹកនាំនៃក្រុមប្រទេស G7 កាលពីព្រឹកថ្ងៃច័ន្ទ ទី២៧ ខែមិថុនា ថា ស្ថានភាពមិនអំណោយផលឡើយនៅក្នុងការចរចាជាមួយរុស្ស៊ី ហើយចង់រក្សាជំហរឱ្យរឹងមាំសិន មុននឹងចាប់ផ្តើមការចរចាណាមួយ៕ Reuters៕

LEAVE A REPLY

Please enter your comment!
Please enter your name here