រុស្ស៊ីទទួលស្គាល់ថាខ្លួនកំពុងជួបការលំបាកក្នុងការនាំចេញធញ្ញជាតិដោយសារកប៉ាល់របស់ខ្លួនក៏រងទណ្ឌកម្ម

ដោយ៖ សុខុម

អន្តរជាតិ: រដ្ឋមន្ត្រីការបរទេសរុស្ស៊ី លោក Sergei Lavrov បានទទួលស្គាល់កាលពីថ្ងៃពុធ ទី០១ ខែមិថុនា ថា រដ្ឋាភិបាលក្រុងមូស្គូ កំពុងជួបការលំបាកក្នុងការនាំចេញទំនិញគ្រាប់ធញ្ញជាតិ ដោយសារកប៉ាល់របស់ខ្លួនក៏ទទួលរងទណ្ឌកម្ម។


អំឡុងដំណើរទស្សនកិច្ចទៅកាន់បរទេសអារ៉ាប៊ីសាអូឌីត លោក Sergei Lavrov បានលើកឡើងថា “រុស្ស៊ី ក៏មានបញ្ហានាំចេញទំនិញគ្រាប់ធញ្ញជាតិផងដែរ ដោយសារកប៉ាល់ដែលដឹកទំនិញគ្រាប់ធញ្ញជាតិរបស់រុស្ស៊ី ក៏បានធ្លាក់ក្រោមទណ្ឌកម្មផងដែរ”។

ការបញ្ឆេះសង្គ្រាមពីសំណាក់រុស្ស៊ី ចូលឈ្លានពានអ៊ុយក្រែន ដែលជាប្រទេសនាំចេញទំនិញធញ្ញជាតិដ៏ធំ បានធ្វើឱ្យស្បៀងអាហារទូទាំងពិភពលោកហក់ឡើងថ្លៃខ្ពស់ ប៉ុន្តែប្រទេសរុស្ស៊ី មិនបានទទួលស្គាល់កំហុសរបស់ខ្លួនឡើយ ហើយបែរជាបន្ទោសទណ្ឌកម្មរបស់លោកខាងលិចដែលដាក់មកលើខ្លួនទៅវិញ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

រុស្ស៊ី បានចោទប្រកាន់ថា ទណ្ឌកម្មរបស់លោកខាងលិចបានធ្វើឱ្យការនាំចេញជីកសិកម្ម និងទំនិញគ្រាប់ធញ្ញជាតិរបស់ខ្លួនរាំងស្ទះ៕

LEAVE A REPLY

Please enter your comment!
Please enter your name here