ដោយ: សហសេវិក
អន្តរជាតិ: ស្ថាប័នអប់រំនៅទីក្រុងហុងកុងត្រូវបានគេរំពឹងថានឹងបង្កើនសកម្មភាពវិនិយោគ និងជួលនៅក្នុងទីផ្សារអចលនទ្រព្យពាណិជ្ជកម្ម ដោយសាកលវិទ្យាល័យឈានមុខគេ និងសាលាអន្តរជាតិបានបង់ថ្លៃខ្ពស់សម្រាប់ការិយាល័យ និងហាងលក់រាយ។
ក្រុមហ៊ុនប្រឹក្សាយោបល់អចលនទ្រព្យ Colliers បានអះអាងថា ការទិញយកអចលនទ្រព្យដោយស្ថាប័នអប់រំមានចំនួនជិត ៤០% នៃការវិនិយោគសរុបនៅក្នុងទីផ្សារអចលនទ្រព្យពាណិជ្ជកម្មរបស់ទីក្រុងហុងកុងក្នុងរយៈពេល៥ខែដំបូងនៃឆ្នាំនេះ។
លោក Thomas Chak ប្រធានផ្នែកទីផ្សារមូលធន និងសេវាកម្មវិនិយោគនៅក្រុមហ៊ុន Colliers បានមានប្រសាសន៍ថា «ការវិនិយោគរបស់ស្ថាប័នអប់រំលើទីផ្សារអចលនទ្រព្យពាណិជ្ជកម្មហុងកុងបានឈានដល់ ១១,១ ពាន់លានដុល្លារហុងកុង (ប្រមាណ១,៤ ពាន់លានដុល្លារអាមេរិក) ក្នុងរយៈពេល៥ខែដំបូងនៃឆ្នាំ២០២៦»។
លោក Chak បានបន្តថា “ការណ៍នេះឆ្លុះបញ្ចាំងពីសន្ទុះដ៏ខ្លាំងក្លា ខណៈស្ថាប័ននានាកំពុងងាកពីការជួលទៅជាការទិញ។ ល្បឿនបច្ចុប្បន្នបង្ហាញថា ឆ្នាំ២០២៦ អាចជាឆ្នាំមួយដែលសម្រេចបានកំណើនយ៉ាងគំហុកនៃការវិនិយោគលើអចលនទ្រព្យ ដោយទំហំប្រតិបត្តិការត្រូវបានព្យាករថា នឹងកើនឡើងលើសពី ១៥ ពាន់លានដុល្លារហុងកុង”។
ការកើនឡើងនៃការជួល និងការវិនិយោគរបស់ស្ថាប័នអប់រំបានជួយគាំទ្រទីផ្សារ។ ទិដ្ឋាការសិស្សបានឈានដល់កំណត់ត្រាថ្មីចំនួន៩៤.៥១៧ ក្នុងឆ្នាំ២០២៥ កើនឡើងពីចំនួន៤៦.៨២១ ក្នុងឆ្នាំ២០២២៕ប្រភព: Vnexpress៕
