ឡាវដាក់ឱ្យដំណើរការទំនប់អគ្កិសនី Nam Ngum 1 ដែលត្រូវ បានពង្រីកបន្ថែម

ដោយៈ សុខុម

វៀងចន្ទន៍: ស្ថានីយវារីអគ្គិសនីនៅទំនប់ Nam Ngum 1 ដែលពង្រីកបន្ថែម ត្រូវបានដាក់ឱ្យដំណើរការជាផ្លូវការ កាលពីថ្ងៃសៅរ៍ ទី២៧ ខែសីហា ក្រោមជំនួយពីរដ្ឋាភិបាលជប៉ុន។ នេះបើយោងតាមសារព័ត៌មាន Laotian Times ចុះផ្សាយកាលពីថ្ងៃអង្គារ ទី៣០ ខែសីហា។

តាមពិតទៅ ទំនប់ Nam Ngum 1 គឺជាទំនប់មានស្រាប់ ប៉ុន្តែវាត្រូវបានពង្រីកម្ខាងកៀន ហើយស្ថានីយអគ្គិសនីថ្មីមួយ ត្រូវបានដំឡើងជាមួយនឹងសមត្ថភាពផលិតថាមពលអគ្គិសនី៤០មេហ្គាវ៉ាត់ (MW)។

ពេលនេះទំនប់វារីអគ្គិសនីនេះទាំងមូល មានសមត្ថភាពផលិតថាម​ពលអគ្គិសនីសរុបរហូតដល់ទៅ២៧៥មេហ្គាវ៉ាត់ (MW)។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ពិធីសម្ពោធដាក់ឱ្យដំណើរការទំនប់ដែលពង្រីកថ្មីនេះ ត្រូវបានប្រព្រឹត្តទៅក្រោមអធិបតីភាព របស់ឧបនាយករដ្ឋមន្ត្រី Sonexay Siphandone និងមានការអញ្ជើញចូលរួមពីឯកអគ្គរដ្ឋទូតជប៉ុន ប្រចាំប្រទេសឡាវ លោក Kenichi Kobayashi ព្រមទាំងមន្ត្រីជាច្រើនរូបទៀត។

នាយកគ្រប់គ្រងអគ្គិសនីឡាវ (EdL) លោក Chanthaboun Soukaloun បានថ្លែងក្នុងពិធីសម្ពោធនេះថា គម្រោងពង្រីកស្ថានីយវារីអគ្គិសនីនេះ​ ទទួលបានកម្ចីសម្បទានពីរដ្ឋាភិបាលជប៉ុន។

លោក Chanthaboun Soukaloun បាននិយាយពីការលំបាកនៅក្នុងការពង្រីកស្ថានីយវារីអគ្គិសនីនេះ ដោយគូសបញ្ជាក់ថា ទោះបីវាជាគម្រោងតូចតាចយ៉ាងណាក្ដី ប៉ុន្តែការសាងសង់មានការលំបាកខ្លាំងដោយ​សារវាទាមទារការសាងសង់នៅក្រោមអាងទឹក៕ Laotian Times៕

LEAVE A REPLY

Please enter your comment!
Please enter your name here