កម្ពុជាស្នើជប៉ុនពិចារណាលទ្ធភាពបង្កើតកិច្ចព្រមព្រៀងពាណិជ្ជកម្មសេរីកម្ពុជា-ជប៉ុន

ដោយៈ សុផារី

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឱ្យភាគីជប៉ុន ពិចារណាចាប់ផ្តើមសិក្សាបង្កើតកិច្ចព្រមព្រៀ ងពាណិជ្ជកម្មសេរីកម្ពុជា-ជប៉ុន បន្ថែមលើការទាក់ទាញយកអត្ថប្រយោជន៍ពីការអនុវត្តកិច្ចព្រមព្រៀង RCEP។

ថ្លែងក្នុងសន្និសីទសារព័ត៌មាន បន្ទាប់ពីជំនួបទ្វេភាគីរវាងសម្តេច និងលោក គីស៊ីដា ហ្វឺមីអូ នាយករដ្ឋមន្រ្តីជប៉ុន ដែលបានធ្វើឡើងនៅថ្ងៃទី២០ ខែមីនា ឆ្នាំ២០២២នេះ សម្តេចតេជោ ហ៊ុន សែន បានថ្លែងថា “ក្នុងគោលបំណងជំរុញកិច្ចសហប្រតិបត្តិការ សេដ្ឋកិច្ចបន្ថែមទៀត រួមទាំងការពង្រីកទំហំពាណិជ្ជកម្មទ្វេភាគី និងបង្កើនវិនិយោគជប៉ុនមកកម្ពុជា”។

សម្តេចបន្តថា “ខ្ញុំបានស្នើឯកឧត្តមនាយករដ្ឋមន្ត្រីជប៉ុន ជួយទិញផលិតផលកម្ពុជា ជាពិសេសផលិតផលកសិកម្ម អតិភាពរបស់កម្ពុជាឱ្យបានច្រើនថែមទៀត ពិចារណាចាប់ផ្តើមសិក្សាបង្កើតកិច្ចព្រមព្រៀងពាណិជ្ជកម្មសេរីកម្ពុជា-ជប៉ុន បន្ថែម លើការទាក់ទាញយកអត្ថប្រយោជន៍ ពីការអនុវត្តកិច្ចព្រមព្រៀង RCEP”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

សម្តេចតេជោ ហ៊ុន សែន បន្ថែមថា ទោះបីជាក្នុងអំឡុងវិបត្តិជំងឺកូវីដ-១៩ ទំហំពាណិជ្ជកម្មកម្ពុជា-ជប៉ុន នៅមានស្ថេរភាពក្នុងរង្វង់ជិត២ពាន់លានដុល្លារអាមេរិក។ ចំណែកវិនិយោគជប៉ុននៅកម្ពុជាយើងវិញ បានងើបឡើងនៅឆ្នាំ២០២១ បន្ទាប់ពីការធ្លាក់ចុះយ៉ាងគំហុកនៅឆ្នាំ២០២០៕

LEAVE A REPLY

Please enter your comment!
Please enter your name here