រដ្ឋាភិបាលអនុម័តគម្រោងអគារមន្ទីរពេទ្យធំមួយតម្លៃ១៥លានដុល្លារអាមេរិកនៅកណ្ដាលក្រុងភ្នំពេញ

ដោយ៖ លក្ខិណា

ភ្នំពេញ ៖ យោងតាមសំណើរសុំវិនិយោគរបស់ក្រុមហ៊ុន Phnom Penh General Hospital Co.,Ltd ដើម្បីវិនិយោគលើអគារមន្ទីរពេទ្យមួយនៅសង្កាត់វាលវង់ខណ្ឌ ៧មករា រាជធានីភ្នំពេញ ក្រុមប្រឹក្សាអភិវឌ្ឍន៍កម្ពុជាបានយល់ព្រមលើគម្រោងទាំងស្រុង ដើម្បីឱ្យក្រុមហ៊ុនអាចចាប់ផ្ដើមដំណើរការសាងសង់បាន។

គម្រោងវិនិយោគអគារមន្ទីរពេទ្យនេះ មានតម្លៃទុនវិនិយោគសរុបចំនួន១៥លានដុល្លារអាមេរិក ដែលមានចំនួនគ្រែ២០០គ្រែ និងបង្កើតឱកាសការងារដល់ប្រជាពលរដ្ឋចំនួន៤៥៨នាក់។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

នៅដើមឆ្នាំ២០២២នេះ ក្រុមប្រឹក្សាអភិវឌ្ឍន៍កម្ពុជាដែលជាស្ថាប័នចុះបញ្ជីវិនិយោគដល់ក្រុមហ៊ុននានានៅក្នុងប្រទេសកម្ពុជាបានប្រកាសពីការចុះបញ្ជីនិងអនុម័តឱ្យក្រុមហ៊ុនទាំងក្នុងនិងក្រៅប្រទេសអាចដំណើរការវិនិយោគគម្រោងរបស់ខ្លួននៅក្នុងប្រទេសកម្ពុជា។ គិតត្រឹមចុងខែមករា២០២២នេះ មានគម្រោងវិនិយោគជាច្រើនគម្រោងក្នុងនោះក៏មានគម្រោងធំៗដែលមានទុនលើសពី១០០លានដុល្លារអាមេរិកជាច្រើនគម្រោងផងដែរ។

អ្នកជំនាញនៃអចលនទ្រព្យបានមើលឃើញថាឆ្នាំ២០២២នេះ កម្ពុជានឹងទទួលបានគម្រោងវិនិយោគឡើងវិញជាបណ្ដើរៗក្រោយពេលហាក់ស្ងប់ស្ងាត់អស់រយៈពេលជិត២ឆ្នាំកន្លងទៅ។ មិនតែប៉ុណ្ណោះច្បាប់វិនិយោគថ្មីរបស់ព្រះរាជាណាចក្រកម្ពុជាក៏នឹងទាក់ទាញវិនិយោគិនបរទេសចូលមកបណ្ដាក់ទុនវិនិយោគនៅក្នុងប្រទេសកម្ពុជាមួយកម្រិតផងដែរ៕

LEAVE A REPLY

Please enter your comment!
Please enter your name here