ហាងឆេងលំនៅដ្ឋានក្នុងក្រុងបាងកកបានដាំក្បាលចុះមិនធ្លាប់មាន

ដោយៈសុខុម

បាងកក: យោងតាមគេហទំព័រអចលនទ្រព្យ DDproperty.com បង្ហាញថា ហាងឆេងលំនៅដ្ឋានក្នុងទីក្រុងបាងកក ប្រទេសថៃអំឡុងត្រីមាសទី៣ ឆ្នាំ២០២១ បានធ្លាក់ថ្លៃខ្លាំងបំផុត មិនធ្លាប់មានចាប់តាំងពីត្រីមាសទី៤ ឆ្នាំ២០១៦ មកដោយសារតែសេដ្ឋកិច្ចកំពុងធ្លាក់ចុះ។

លោកស្រី Kamolpat Swaengkit នាយកគ្រប់គ្រងគេហទំព័រអចលនទ្រព្យ DDproperty.com ប្រចាំប្រទេសថៃបានលើកឡើងថា ឆ្នាំ២០២១ គឺជាឆ្នាំដ៏លំបាក និងផុយស្រួយ សម្រាប់ទីផ្សារអចលនទ្រព្យ នៅពេលវិបត្តិកូវីដ-១៩ បានជះផលប៉ះពាល់ធ្ងន់ធ្ងរ ដល់គ្រប់វិស័យអាជីវកម្ម បណ្ដាក្រុមហ៊ុនផ្គត់ផ្គង់ ក្រុមហ៊ុនអភិវឌ្ឍន៍ ទីផ្សារការងារ និងអ្នកទិញផ្ទះ។

លោកស្រីបន្តថា “អតិថិជនចង់ទិញផ្ទះ ប៉ុន្តែសេដ្ឋកិច្ចដ៏ផុយស្រួយ និងបំណុលគ្រួសារខ្ពស់ បានជះឥទ្ធិពលយ៉ាងខ្លាំង លើលទ្ធភាពទិញរបស់ពួកគេ ដូចនេះអតិថិជនយ៉ាងច្រើនត្រូវពន្យារពេលការទិញផ្ទះ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

យោងតាមការស្ទង់មតិរបស់គេហទំព័រនេះ នៅក្នុងទីផ្សារអចលនទ្រព្យក្រុងបាងកក ក្នុងត្រីមាសទី៣បានបង្ហាញថា សន្ទស្សន៍តម្លៃលំនៅ ដ្ឋានបានធ្លាក់ចុះ ក្នុងប៉ុន្មានត្រីមាសជាប់ៗគ្នា ចាប់តាំងពីត្រីមាសទី៤ ឆ្នាំ២០២០ ដោយធ្លាក់ចុះពី១៩៧ពិន្ទុ មកនៅត្រឹម១៩០ពិន្ទុ បន្តធ្លាក់មកនៅត្រឹម១៨៣ពិន្ទុ និង១៧៨ពិន្ទុអំឡុង៣ត្រីមាសដំបូងនៃឆ្នាំ២០២១។

សន្ទស្សន៍តម្លៃលំនៅដ្ឋានត្រីមាសទី៣ បានធ្លាក់ចុះ១១%បើធៀបនឹងរយៈពេលដូចគ្នាកាលពីឆ្នាំមុន។
ទោះជាយ៉ាងណា សន្ទស្សន៍តម្លៃលំនៅដ្ឋាន ដែលមានកម្ពស់ទាបជាពិសេសផ្ទះដាច់ពីគ្នា បានហក់ឡើង៦% ដោយកើនឡើង១៣%ពីត្រីមាសទី៣ នៃឆ្នាំ២០១៩។

ផ្ទុយពីគ្នា សន្ទស្សន៍តម្លៃខុនដូបានធ្លាក់ចុះ ប៉ុន្មានត្រីមាសជាប់ៗគ្នា ដោយធ្លាក់ចុះ១១%ពីត្រីមាសទី៣ ឆ្នាំមុន និងធ្លាក់ចុះ១៦%ពីកម្រិតមុនពេលផ្ទុះវិបត្តិកូវីដ-១៩៕ Bangkok Post៕

LEAVE A REPLY

Please enter your comment!
Please enter your name here