ក្រុមហ៊ុនNagaCorp អះអាងថា គម្រោងតម្លៃ៣៥០០លានដុល្លារនៅកណ្តាលក្រុងភ្នំពេញ នៅតែបន្តឆ្ពោះទៅមុខ

ដោយ៖ ប៊ី
ភ្នំពេញ៖ បើទោះបីជាមានវិបត្តិជំងឺ COVID-19 ក៏ដោយ ក៏ក្រុមហ៊ុន NagaCorp អះអាងថា ខ្លួននៅតែប្តេជ្ញាចិត្តវិនិយោគប្រាក់ ៣.៥ពាន់លានដុល្លារ ដើម្បីសាងសង់អគារខ្ពស់ជាងគេនៅកម្ពុជា។

ក្រុមហ៊ុន NagaCorp បានឱ្យដឹងថា ខ្លួនកំពុងដំណើរសកម្មក្នុងត្រៀមសាងសង់គម្រោងទី៣ ដើម្បីប្រក្លាយជា កន្លែងកម្សាន្តចម្រុះលំដាប់ពិភពលោក។ ទោះបីជាមានការបិទកាស៊ីណូណាហ្គាវើល ដោយសារវិបត្តិកូវីដ១៩ ពីថ្ងៃទី ១ ខែមេសាដល់ថ្ងៃទី ៧ ខែកក្កដា មន្ត្រីរបស់ក្រុមហ៊ុននៅតែមានការប្ញេជ្ញាវិនិយោគប្រាក់ ៣.៥ ពាន់លានដុល្លារ ក្នុងការពង្រីកគម្រោងខ្លួននៅទីក្រុងភ្នំពេញ។

នាយកប្រតិបត្តិក្រុមហ៊ុន NagaCorp ដែលស្នើសុំសុំមិនបញ្ចេញឈ្មោះ បាននិយាយថា មានផ្លាស់ប្តូរមួយចំនួន តែផែនការសាងសង់កំពុងវិវត្តទៅមុខ។ ស្ថាបត្យករដ៏ល្បីឈ្មោះ Steelman Partners អ្នកជំនាញអគារខ្ពស់ Skidmore ក្រុមហ៊ុន Owings & Merrill ស្ថាបត្យករក្នុងស្រុក និងក្រុមហ៊ុន Naga កំពុងធ្វើការរួមគ្នាដើម្បីបញ្ចប់ការរចនាប្លង់។

ខណៈគម្រោង Naga3 នឹងបញ្ចប់នៅឆ្នាំ ២០២៥ គម្រោងនេះនឹងពង្រីកចូលទៅបរិវេញអគារណាហ្គាវើ ដែលមានបន្ទាប់ ៥០០០ តុល្បែង ១៣០០ និងម៉ាស៊ីនហ្គេមអេឡិចត្រូនិច ៤៥០០ ។ រដ្ឋាភិបាលកម្ពុជាបាននិងកំពុងតែផ្តល់រង្វាន់ដល់ការវិនិយោគនេះ ដោយបន្តរយៈពេល ១០ ឆ្នាំទៀតនូវសិទ្ធិផ្តាច់មុខរបស់ណាហ្គាខបនៅភ្នំពេញដល់ឆ្នាំ ២០៤៥ ។ អាជ្ញាប័ណ្ណលេងល្បែងរបស់ខ្លួនដំណើរការដល់ឆ្នាំ ២០៦៥៕ asgam

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

LEAVE A REPLY

Please enter your comment!
Please enter your name here