ចំណេះដឹង​ហិរញ្ញវត្ថុ៖ តើ​ធ្វើ​ដូចម្តេច​ដើម្បី​អ្នកទទួលបាន​ចំណូល​អកម្ម

ដោយ​គង់ ម៉ា​លីន​ណា

ភ្នំពេញៈ អ្នកជំនាញ​បានលើកឡើង​ថា ការ​ក្លាយជា​អ្នកមាន គឺ​មិនមែន​មានន័យថា អ្នក​គឺមាន​សេរីភាព​ផ្នែក​ហិរញ្ញវត្ថុ​នោះទេ។ តាមពិតទៅ មនុស្ស៩៥ភាគរយ មានការ​យល់ច្រឡំ​ពី​រឿងនេះ។

ដូច្នេះ​សំណួរ​ដ៏​ធំ​បំផុត​ស្តីពី​សេរីភាព​ហិរញ្ញវត្ថុ គឺ​អំពី​ការផ្តល់​ដំបូន្មាន​ពី: -របៀប​បង្កើត​ចំណូល​អកម្ម -មធ្យោបាយ​លឿន​បំផុត និង​ងាយស្រួល​បំផុត​ដើម្បី​កាត់បន្ថយ​ម៉ោង​ធ្វើការ។ -ទោះជា​យ៉ាងណាក៏ដោយ ក៏​អ្នក​អាច​ទទួលបាន​ចំនួន​ទឹកប្រាក់​ដូច​មុន ឬ​ច្រើនជាង​មុន។

ប្រាក់ចំណូល​អកម្ម​ម​ជាធម្មតា មាន​មកពី​ការរក​លុយ​បាន ដោយ​មិនចាំបាច់​ធ្វើការ​សម្រាប់​វា។ ចំណូល​អកម្ម​ជា​ចំណូល ដែល​យើង​ទ​ទូល​បាន​ដោយ​មិនចាំបាច់​ធ្វើការ(ដូចជា ថ្លៃ​ផ្ទះជួល ថ្លៃ​ឡាន​ជួល ថ្លៃ​អគារ​ជួល ចំណូល​ពី​អាជីវកម្ម ការប្រាក់​ពី​ធនាគារ​ជាដើម)។

នេះ​ជា​រូបមន្ត​សាមញ្ញ​មួយ ដើម្បី​ស្វែងយល់​ពី​ចំណូល ដែល​អ្នកត្រូវការ​ដើម្បី​រកប្រាក់​ចំណូល​ដែល​បានមកពី​គំនិត បែប​ជា​ចំណូល​អកម្ម ដើម្បី​ទ​ទូល​បាន​សេរីភាព​ផ្នែក​ហិរញ្ញវត្ថុ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ដូចនេះ តើ​អ្នក​អាច​សាង​ចំណូល​អកម្ម​ដោយ​របៀប​ណា? នេះ​ជា​វិធី​ពីរ​យ៉ាង​ក្នុងការ​សាង​ចំណូល​អក​ម្មៈ -បង្កើត​ការវិនិយោគ ដើម្បីអោយ​វា​ធ្វើការ​បង្កើត​លុយ​អោយ​អ្នក -បង្កើត​អាជីវកម្ម ដើម្បីអោយ​វា​ធ្វើការ​បង្កើត​លុយ​អោយ​អ្នក។

ប៉ុន្តែ​ជាការ​ពិត អ្នក​ចង់​មាន​ទាំងពីរ គឺ​ទាំង​ការវិនិយោគ និង​ទាំង​អាជីវកម្ម ដែល​ពួកវា​អាចបង្កើត​ចំណូល​អោយ​អ្នក។ ចង់ដឹងថា ត្រូវ​ដូចម្តេច​មែន​ទេ?។

ធ្វើការ​វិនិយោគ​អោយ​ច្រើន ដើម្បីអោយ​វា​ធ្វើការ​បង្កើត​លុយ​អោយ​អ្នក

នេះ​ជា​គំនិត​មួយ ក្នុងការ​សាង​ចំណូល​អកម្ម ហើយ​ជាដំបូង លោក អ្នក​គូរ​សន្សំ​លុយ​សិន។ បើ​គ្មាន​ការ​សន្សំ​លុយ​ខ្លះ​នោះទេ នោះ​អ្នកនឹង​គ្មាន​សេរីភាព​ផ្នែក​ហិរញ្ញវត្ថុ​ទេ ជាពិសេស គឺ​ការ​សន្សំ​លើ​ការវិនិយោគ ដែល​វា​អាចបង្កើត​លុយ​ដោយ​ខ្លួន​វា​អោយ​អ្នក​បាន។

អ្នកជំនាញ​បាន​លើកទឹកចិត្ត​អ្នក អោយធ្វើ​ការ​សន្សំ10%នៃ​ប្រាក់ចំណូល​សរុប​របស់​អ្នក ទៅក្នុង​គណនី​សម្រាប់​សេរីភាព​ផ្នែក​ហិរញ្ញវត្ថុ​របស់​អ្នក។ បន្ទាប់ពី​អ្នកធ្វើការ​សន្សំ​បាន​លុយ​ខ្លះ​ហើយ ចូរ​អ្នកប្រើប្រាស់​លុយ​ទាំងនោះ​ទៅធ្វើ​ការវិនិយោគ។

ទាំងនេះ​គឺជា​យាន្តៈ ផ្សារភាគហ៊ុន ការប្តូរ​រូបិយប័ណ្ណ(លុយ) អចលនទ្រព្យ និង​ការវិនិយោគផ្សេងៗទៀត។

ឥឡូវនេះ ចូរ​ធ្វើតាម​ការណែនាំ​ទាំងបី​ជំហាន​នេះ​ដូចជា ទី១ ជ្រើសរើស​យាន្ត​ដែល​សាក​សម​នឹង​អ្នក ដោយ​ជ្រើសរើស​អ្វី ដែល​ធ្វើអោយ​អ្នកមាន​អារម្មណ៍ល្អ នឹង​អ្វីដែល​អ្នក​ចូលចិត្ត។ ទី២ ត្រូវ​ច្បាស់​ថា​យាន្ត​នេះ វា​ជា​ឪ​កាស​ល្អ ព្រមទាំង​វា​ដំណើរ​ការល្អ សូម​ធ្វើការ​ស្រាវជ្រាវ សួរមិត្តៗរបស់​អ្នក ឬ​សួរ​អ្នកជំនាញ។ ទី៣  ប្រសិនជា​អ្នក​កំពុង​ធ្វើ​វា​ដោយ​ខ្លូន​ឯង អ្នក​គួរតែ​ពូកែ​នឹង​វា ព្រមទាំង ជ្រើសរើស​ប្រព័ន្ធ​ណា​ដែល​ស័ក្តិសម​នឹង​អ្នក បើ​មិន​បែបនេះ​ទេ អ្នកនឹង​បោះ​លុយ​ចោល​ហើយ។

តើ​អ្នក​គួរតែ​ជ្រើសរើស​ការវិនិយោគ​ដែលមាន​ផលចំណេញ​ច្រើន ឬក៏​តិច?

អ្នក​គួរតែ​ធ្វើការ​បែងចែក​លុយ​រប​ស់​អ្នក១០ភាគរយ ដើម្បី​សន្សំទុក​សម្រាប់ធ្វើ​ការវិនិយោគ។

“ពេល​អ្នក​អាចធ្វើ​ការគ្រប់គ្រង​ហានិភ័យ​បាន នោះ​លុយ​របស់​អ្នក​គឺ​មិន​ខាត​នោះទេ” ។

បើ​អ្នកមាន​វ័យ​នៅ​ក្មេង អូ​ខេ យើង​និយាយ​ចំពោះ​លុយ​ត្រឹមតែ១០០ដុល្លារ អ្នក​គួរតែ​ដក​លុយ៥០ដុល្លារ ដើម្បី​យក​វា​ទៅ​ដាក់​កន្លែង​ដែលមាន​សុ​វត្តិភាព ដែល​បានផ្តល់​ផលចំណេញ​អោយ​យើង៥ភាគរយ​ក្នុង​មួយឆ្នាំ ដូចជា​ធនាគារ។

បើ​អ្នក​មិន​ទ​ទូល​យក៥ភាគរយ ដែល​ទ​ទូល​បាន​ពី​ផល​នៃ​ការវិនិយោគ ដែល​ប្រកបដោយ​សុ​វត្តិភាព​របស់​អ្នក​នោះទេ អ្នកនឹង​ត្រូវការ​កម្ម​វិធី​ខ្លះ​ហើយៈ។

អ្នក​អាច​ជ្រើសរើស​ប្រព័ន្ធ រួច​រៀន​ពី​វា បើ​អាចធ្វើ​ការព្រៀង​វា​នៅលើ​ក្រដាស​សិន នឹង​បន្ទាប់មក​ធ្វើការ​វិនិយោគ ដោយ​ប្រើប្រាស់​ប្រព័ន្ធ​នេះ។ ម្យ៉ាងវិញទៀត អ្នក​គួរ​ណាស់​ស្វែងរក​អ្នកគ្រប់គ្រង​ការវិនិយោគ​មួយរូប ដែល​ពិត​ជាមាន​ជំនាញ​ក្នុង​រឿងនេះ។

នេះ​គឺជា​ការប្រើ​លុយ​អោយធ្វើ​ការអោយ​អ្នក ចុះបើ​អាជីវកម្ម​ធ្វើ​ការអោយ​អ្នក​វិញ​តើ​ធ្វើ​ដូ​ម​ម្តេច​ដែរ?

បង្កើត​អាជីវកម្ម ដើម្បីអោយ​វា​ធ្វើការ​បង្កើត​លុយ​អោយ​អ្នក

មាន​ចំណូល​អកម្ម​ដោយ​ផ្អែកលើ​អាជីវកម្ម ហើយ​នេះ​ជា​គន្លឹះ​ក្នុងការ​សួរ​សំនួរ​ក្នុងការ​សាង​អាជីវកម្ម​ដើម្បីអោយ​វា​បង្កើត​លុយ​អោយ​អ្នកៈ។

តើ​អ្វីដែល​ខ្ញុំ​អាចធ្វើ​បាន សម្រាប់​អាជីវកម្ម​របស់​អ្នក ឬ​សម្រាប់​អាជីវកម្ម​របស់​អ្នក​នៅ​ថ្ងៃ​អនាគត ដោយ​អ្នក​មិនចាំបាច់​ធ្វើការ​មួយថ្ងៃ10ម៉ោង​អស់​មួយជីវិត​នោះ? ព្រោះថា​ពេល​អ្នក​ចាប់ផ្តើម​សាង​អាជីវកម្ម​មួយ គឺ​អ្នក​ត្រូវ​ប្រើប្រាស់​ថាមពល និង​ការខិតខំ​ប្រឹងប្រែង​អស់យ៉ាង​ច្រើន ដោយ​ធ្វើការ​យ៉ាងតិច​មួយថ្ងៃ១០ម៉ោង តែបើ​អ្នករៀបចំ​បានល្អ​នោះ អ្នកនឹង​ធ្វើការ​តិចជាង​នេះ ដោយ​ការប្រើប្រាស់​ប្រព័ន្ធ។

ប្រព័ន្ធ​អាជីវកម្ម គឺជា​ដំណើរការ​មួយ ដែល​អាចធ្វើ​ម្តង​ហើយទៀតៗ ក្នុងការ​បង្កើត​ប្រាក់ចំណេញ​អោយ​អ្នក៕

LEAVE A REPLY

Please enter your comment!
Please enter your name here