ស្វាគមន៍ឆ្នាំថ្មីៈសារនៃសេចក្តីគោរព ស្រលាញ់

 ភ្នំពេញៈ វដ្តនៃវេលាមាស បានរំកិលមកកាន់តែកៀកនឹងសង្រ្កានឆ្នាំថ្មី ដែលជាពេលវេលានៃក្រាំងមាស និងសេចក្តីអំណរ សេចក្តីគោរព ការដឹងគុណចំ ពោះបុព្វការរីជនបានមកដល់ជាថ្មី ជាមួយនឹងការស្វាគមន៍ការជួបជុំ សំណើចក្អាក​ក្អាយជាមួយក្រុមគ្រួសារ សាច់សារលោហិត បានមកដល់ម្តងទៀតនាពេលខាងមុខឆាប់ៗនេះ។

បន្ទាប់ពីរយៈពេល៣៦៣ថ្ងៃ បានរំកិលហួស យើងត្រៀមអបអរសាទរឆ្នាំថ្មី ជាមួយទេពធីតាព្រះនាង “កិរិណីទេវី” ជាបុត្រីរបស់កបិលមហាព្រហ្ម ដែលនឹងនាំនូវពរជ័យ សេរីសួស្តីដល់ថ្នាក់ដឹកនាំជាតិ ប្រជាជនគ្រប់ស្រទាប់វណ្ណៈបានរីករាយជាមួយអំណរ ជាមួយក្តីស្រលាញ់ និងការដឹងគុណដល់ជាតិមាតុភូមិ។

ជាមួយនឹងឱកាសដ៏មានអត្ថន័យ ឱកាសនៃការទទួលនូវពន្លឺព្រះទិនក​រ​ថ្មី ឱកាសនៃការជួបជុំ និងការទទួលបាននូវសារជូនពរពីញាតិមិត្ត ពីថ្នាក់ដឹកនាំស្ថាប័នគ្រប់ជាន់ថ្នាក់ទៅវិញទៅមក ប្រកបដោយសោមនស្សរីករាយនេះ គេហទំព័រCambodiafinancialtimes.com សូមចូលរួមចែករំលែកនូវសេចក្តីស្រលា​ញ់ គោរពដឹងគុណដល់ដៃគូពាណិជ្ជកម្មទាំងអស់ ដល់មិត្តអ្នកអាន អ្នកទស្សនាជាតិ អន្តរជាតិឲ្យបានជ្រាបថា ស្ថាប័នរបស់យើងនៅតែប្រកាន់ខ្ជាប់ នូវមូលដ្ឋាន​វិជ្ជាជីវៈ ក្រមសីលធ៌ម ផ្តល់ព៌តមានលឿន រហ័ស និងអាចទុកចិត្តបានសំរាប់សាធារណៈជនជាតិ អន្តរជាតិអាចប្រើប្រាស់ជាមូលដ្ឋាន ក្នុងការពិចារណា​យកទៅប្រើប្រាស់ជាចំណេះដឹង ជាប្រទីប និងជាមូលដ្ឋានសំរាប់ប្រើប្រាស់ មុនសម្រេចចិត្តវិនិយោគលើវិស័យអ្វីមួយ។

ការរក្សាបាននូវគុណតម្លៃរបស់យើង តាមរយៈការប្រើប្រាស់នូវចំណេះដឹង ជំនាញ បទពិសោធន៍ បូករួមជាមួយនឹងមូលដ្ឋានវិជ្ជាជីវៈ បានធ្វើឲ្យគេហទំព័រនេះបន្តរីកចម្រើន ហើយយើងនឹ​ងប្តេជ្ញាចិត្ត ក្នុងការនាំមកនូវព៌តមានថ្មី​ៗទាន់ហេតុការណ៍ ទាក់ទងគំរោងអភិវឌ្ឍ​ន៍នានារបស់រដ្ឋាភិបាល    វិស័យឯកជនមកជូនមិត្តអ្នកអាន អ្នកទស្សនាជាបន្តទៀត និងកាន់តែលឿនរហ័សថែមមួយកម្រិតទៀត នៅក្នុងឆ្នាំថ្មីដែលកំពុងរំកិលមកដល់បន្តិចម្តងៗ នាពេលខាងមុខឆាប់ៗនេះ។

ព្រះអាទិត្យថ្មី នឹងនាំមកនូវសេចក្តីរីករាយ និងសេចក្តីសុខចម្រើនដល់ប្រជាជនកម្ពុជាគ្រប់រូប និងសូមគោរពជូនពរថ្នាក់ដឹកនាំ សម្តេច ឯកឧត្តម លោកជំទាវ លោកឧកញ៉ា លោក លោកស្រី អ្នកនាងកញ្ញាសូមទទួលបាននូវសេចក្តីចម្រើនដ៏ប្រពៃ និងសូមមានសុខភាពកាន់តែល្អបរិបូរណ៍ និងទទួលបានជោគជ័យគ្រប់ភារកិច្ច និងបំណងប្រាថ្នាដ៏ពិសិដ្ឋរបស់ខ្លួន។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

សូមពុទ្ឋពរដ៏ម៉ត់ហ្មង សេចក្តីស្រលាញ់ដ៏បរិសុទ្ឋ និងសេចក្តីសាមគ្គីក្នុងរបៀបវារៈជាតិ សូមកើតមានដល់ប្រជាជាតិខ្មែរគ្រប់ៗរូប និងសូមជូបប្រទះតែនឹងពុទ្ឋពរទាំងបួនប្រការ គឺអាយុ វណ្ណៈ សុុខៈ និងពលៈកុំបីឃ្លៀងឃ្លាតឡើយ៕

សូមគោរពអរគុណពីចម្ងាយពីថ្នាក់ដឹកនាំ និងបុគ្គលិកទាំងអស់នៃគេហទំព័រCambodiafinancialtimes.com

 

LEAVE A REPLY

Please enter your comment!
Please enter your name here