ចំនួនអ្នកវិនិយោគផ្សារហ៊ុនបានកើនឡើងដល់ជាង៣០,០០០នាក់ហើយ

ដោយៈគង់ ម៉ាលីនណា

ភ្នំពេញៈ មន្រ្តីជាន់ខ្ពស់បានបង្ហើបឲ្យដឹងថា រហូតមកទល់ពេលនេះ ចំនួនអ្នកវិនិយោគ ក្នុងផ្សារហ៊ុនបានកើនដល់ជាង៣០,០០០នាក់ហើយ ស្របពេលទំហំនៃការវិនិយោគមានកំនើនខ្ពស់ផងដែរ។

ប្រតិភូរាជរដ្ឋាភិបាល ទទួលបន្ទុកអគ្គនាយកផ្សារមូលបត្រកម្ពុជា លោកហុង សុហួរ បានមានប្រសាសន៍ឲ្យដឹងកាលពីសប្តាហ៍មុនថា ស្របពេលចំនួនអ្នកវិនិយោគដីធ្លីកើនឡើង ចំនួនអ្នកវិនិយោគនៅផ្សារហ៊ុនកម្ពុជា ទាំងជាតិ និងអន្តរជាតិបានកើនឡើងជាង៣០,០០០នាក់ប៉ុណ្ណោះ បើគិតមកទល់ពេលនេះ។

លោកបន្តថា “ចំនួនទឹកប្រាក់បានវិនិយោគនៅផ្សារហ៊ុនកម្ពុជា បានកើនឡើង រហូតដល់ជជាង៨០ម៉ឺនដុល្លារអាមេរិក ក្នុងមួយថ្ងៃនាពេលបច្ចុ​ ប្បន្ននេះ ខណៈទំហំផ្សារហ៊ុននៅប្រទេសថៃ ការវិនិយោគមួយថ្ងៃមានទំហំទឹកប្រាក់រហូតដល់២០០០លានដុល្លារក្នុងមួយថ្ងៃ”។ លោកបន្តថា “ការរីកចម្រើននៃទីផ្សារហ៊ុននៅកម្ពុជា កំពុងដើរទៅមុខផងដែរ ដោយសារទំហំជួញដូរកើនឡើង ប៉ុន្តែយើងមានផលិតផលនៅក្នុងទីផ្សារតិចនៅឡើយ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

បច្ចុប្បន្ននិយ័តករមូលបត្រកម្ពុជា មានក្រុមហ៊ុនចំនួន១៦ ក្នុងនោះក្រុមហ៊ុនបោះផ្សាយលក់មូលបត្រមានចំនួន៩ និងក្រុមហ៊ុនបោះផ្សាយលក់ប័ណ្ណបំណុលចំនួន៧៕

LEAVE A REPLY

Please enter your comment!
Please enter your name here