ស្ថាប័នហិរញ្ញវត្ថុពីររួមគ្នាក្នុងការផ្សព្វផ្សាយនិងបណ្ដុះបណ្ដាលជំនាញហិរញ្ញវត្ថុដល់ធនធានមនុស្សកម្ពុជា

ដោយៈលក្ខិណា

ភ្នំពេញៈ ស្ថាប័ន DGacademy ដែលជាស្ថាប័នផ្ដល់ចំណេះដឹងផ្នែកហិរញ្ញវត្ថុនិងសេដ្ឋកិច្ច និងសមាគមនាយកហិរញ្ញវត្ថុកម្ពុជា (CFO Cambodia)បាន រួមគ្នាផ្សព្វផ្សាយ និងបណ្តុះបណ្តាលជំនាញហិរញ្ញវត្ថុ ទៅដល់ធនធានមនុស្សកម្ពុជាក្នុងជំនាញនេះ ដើម្បីទទួលបានអាជីពកាន់​តែប្រសើរក្នុងការងារ។

លោកតឹក វាសនា ប្រធាននៃCFO Cambodia និងលោកហ៊ឹន សុភាព សហស្ថាបនិកនិងនាយកប្រតិបត្តិ DGacademy បានព្រមព្រៀងគ្នាជំរុញនិងអនវត្តន៍កិច្ចការសំខាន់ ដោយផ្តោតលើការផ្សព្វផ្សាយអោយ មានប្រសិទ្ធិភាព និងបណ្តុះបណ្តាលអ្នកជំនាញហិរញ្ញវត្ថុ បែបអនុវត្តន៍នៅក្នុងប្រទេសកម្ពុជា។

លោកតឹក វាសនា ជាអ្នកជំនាញហិរញ្ញវត្ថុ និងជានាយកប្រតិបត្តិក្រុមហ៊ុនសវនកម្ម Ecovis VSDK & Partners ផងដែរនោះបានមានប្រសា​សន៍ថា  ដោយមើលឃើញតម្រូវការ សម្រាប់ជំនាញហិរញ្ញវត្ថុ ក្នុងអាជីពហិរញ្ញវត្ថុ របស់យុវជននិងអ្នកប្រកបអាជីពនេះ CFO Cambodia ត្រូវបានបង្កើតឡើង និងជួយជ្រោមជ្រែងអភិវឌ្ឍជំនាញ សម្រាប់ដឹកនាំគ្រប់គ្រងកិច្ចការហិរញ្ញវត្ថុ ដោយមានការផ្តល់នូវបទពិសោធន៍ ពិសហសេវិកខ្មែរ និងបរទេស ដើម្បីអោយកាន់តែមានទំនើបកម្ម និងសមត្ថភាព ក្នុងបរិបទដែលប្រែប្រួលឥតឈប់ឈរ។

សហស្ថាបនិកនៃថ្នាលអប់រំឌីជីថល DGacademy លោក ហ៊ឹន សុភាព ដែលបានផ្សព្វផ្សាយ ការចែករំលែកចំណេះដឹងរបស់វាគ្មិនជាច្រើនជំនាញកន្លងមកនោះ បានលើកឡើងថា វាជាការប្រពៃណាស់ ដែលស្ថាប័នទាំងពីរអាចធ្វើការរួមគ្នាបាន បំពេញអោយគ្នាទៅវិញទៅមក ក្នុងប្រព័ន្ធអេកូសាស្ត្រនៃការអប់រំឌីជីថល ផ្តោតលើជំនាញហិរញ្ញវត្ថុ ដោយយកធនធានបញ្ញានៃអ្នកជំនាញ ចែកជាបន្តបង្កើតជាឃ្លាំងចំណេះដឹង និងបណ្តុះបណ្តាលអោយកាន់តែមានប្រសិទ្ធិភាព ដោយប្រើបច្ចេកវិទ្យាចុងក្រោយ៕

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

LEAVE A REPLY

Please enter your comment!
Please enter your name here