តម្លៃប្រេងឥន្ធនៈបានហក់ឡើងវិញក្នុងតម្លៃ៤០០០រៀល ក្នុង១លីត្រ

        ដោយៈគង់ ម៉ាលីនណា

ភ្នំពេញៈ ក្រសួងពាណិជ្ជកម្ម នៅរសៀលថ្ងៃទី១៦ ខែកញ្ញានេះបានឲ្យដឹងថា ថ្លៃលក់រាយប្រេងឥន្ធនៈ បានហក់ឡើងដល់៤០០០រៀល សម្រាប់ប្រេងសាំងធម្មតា និងថ្លៃ ៣៦៥០រៀល សម្រាប់ប្រេងម៉ាស៊ូត នៅក្នុង១លីត្រ ខណៈដែល២សប្តាហ៍កន្លងទៅ ប្រេងសាំងធម្មតាថ្លៃ៣៩០០រៀល និងប្រេងម៉ាស៊ូតថ្លៃតែ៣៥០០រៀលក្នុង១លីត្រ។

យោងតាមសេចក្តីជូនដំណឹងរបស់ក្រសួងពាណិជ្ជកម្មស្តីពី ថ្លៃលក់រាយប្រេងឥន្ធនៈនៅតាមស្ថានីយ ដែលរស្មីកម្ពុជាទទួលបាននៅរសៀលថ្ងៃនេះបានឲ្យដឹងថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈ ពីថ្ងៃទី១៦ ដល់ថ្ងៃទី៣០ ខែកញ្ញាឆ្នាំ២០២១ នឹងត្រូវលក់៤១៦០រៀលក្នុង១លីត្រ សម្រាប់ប្រេងសាំងធម្មតាEA92 និង ៣ ៨១០រៀល សម្រាប់ប្រេងម៉ាស៊ូត។

ក្រសួងពាណិជ្ជកម្មបានអះអាងថា “ក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ ពោលគឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិ មកគណនាតាមប្រកាសដូចមានក្នុងឯកសារ”។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ជុំវិញថ្លៃលក់រាយប្រេងឥន្ធនៈនេះដែរ កាលពីថ្ងៃទី១ ដល់១៥ ខែមករា ដើមឆ្នាំ២០២១ ត្រូវបានដាក់លក់ក្នុងតម្លៃតែ៣២០០រៀល សម្រាប់ប្រេងសាំងធម្មតា និងថ្លៃ២ ៩៥០រៀលប៉ុណ្ណោះ សម្រាប់ប្រេងម៉ាស៊ូតនៅក្នុង១លីត្រ៕

LEAVE A REPLY

Please enter your comment!
Please enter your name here