ធនាគារកណ្ដាលអាមេរិកបានប្រកាសដំឡើងសម្រាប់ការរទិញលំនៅដ្ឋាន

ដោយៈស្រីលីះ

 សហរដ្ឋអាមេរិកៈ ក្នុងកិច្ចខិតខំប្រឹងប្រែង ដើម្បីទប់ទល់នឹងអតិផរណា ធនាគារកណ្តាលអាមេរិកបានប្រកាស នឹងត្រូវដំឡើងអត្រាការប្រាក់គោលរបស់ខ្លួន ដែលជាលើកទីមួយក្នុងរយៈពេលជាង៣ឆ្នាំមកនេះ។

ការដំឡើងអត្រាការប្រាក់នេះ ទំនងជានឹងដាក់សម្ពាធលើអត្រាប្រាក់កម្ចីទិញផ្ទះ ទោះបីជាអត្រាគោលរបស់ទុនបម្រុងសហព័ន្ធ មិនប៉ះពាល់ដល់អត្រាការប្រាក់កម្ចីទិញផ្ទះ ដោយផ្ទាល់ក៏ដោយ ប៉ុន្តែវានឹងបង្កផលប៉ះពាល់ដល់ទីផ្សារអចលនទ្រព្យផងដែរ។

ធនាគារកណ្តាលបានណែនាំកាលពីថ្ងៃពុធថា ការកើនឡើងនៃអត្រាការប្រាក់នឹងធ្វើឡើងក្នុងពេលឆាប់ៗនេះ ចំពោះអត្រាប្រាក់កម្ចីរយៈពេលខ្លីគោលរបស់ខ្លួន។ នេះជាការកើនឡើងលើកដំបូង គិតចាប់តាំងពី ខែធ្នូ ឆ្នាំ ២០១៨។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

គណៈកម្មាធិការទីផ្សារបើកចំហរ បស់សហព័ន្ធបាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា “ជាមួយនឹងអតិផរណាលើសពី២ភាគរយ និងទីផ្សារការងារដ៏រឹងមាំ គណៈកម្មាធិការរំពឹងថា វានឹងសមស្របក្នុងពេលឆាប់ៗនេះ ក្នុងការបង្កើនជួរគោលដៅ សម្រាប់អត្រាមូលនិធិសហព័ន្ធ”។

គណៈកម្មាធិការទីផ្សារសហព័ន្ធ ក៏នឹងបញ្ចប់កម្មវិធីទិញមូលបត្របំណុលរបស់ខ្លួននៅក្នុងខែមីនា។

ធនាគារកណ្តាលបានគូសបញ្ជាក់ពីវិធី ដើម្បីចាប់ផ្តើម “កាត់បន្ថយយ៉ាងខ្លាំង” ការកាន់កាប់សញ្ញាប័ណ្ណ នៅលើតារាងតុល្យការរបស់ខ្លួនកាលពីថ្ងៃពុធ។

លោក Jerome Powell ប្រធានទុនបម្រុងសហព័ន្ធ បាននិយាយនៅក្នុងសន្និសីទសារព័ត៌មានមួយថា “ខ្ញុំគិតថាមានបន្ទប់ខ្លះ ដើម្បីដំឡើងអត្រាការប្រាក់ដោយមិនគំរាមកំហែងដល់ទីផ្សារការងារ”។

អត្រាមូលនិធិសហព័ន្ធ គឺជាអត្រាការប្រាក់ដែលធនាគារខ្ចី និងផ្តល់ប្រាក់កម្ចីដល់គ្នាទៅវិញទៅមក។ សកម្មភាពរបស់ទុនបម្រុងសហព័ន្ធ ទំនង​ជាប៉ះពាល់ដល់ការខ្ចីប្រាក់ និងអត្រាសន្សំ។

អត្រាកម្ចីទិញផ្ទះថេររយៈពេលវែងបាន និងកំពុងកើនឡើង។ ការបញ្ចាំក្នុងអត្រាថេររយៈពេល៣០ឆ្នាំជាមធ្យម បានកើនឡើងប្រហែល៥០ពិន្ទុមូលដ្ឋានក្នុងសប្តាហ៍ដំបូងនៃឆ្នាំនេះ។

សេដ្ឋវិទូបានបង្កើនការព្យាករណ៍របស់ពួកគេ នាពេលថ្មីៗនេះសម្រាប់ការបញ្ចាំ ហើយសមាគមជាតិនៃREALTORS® បានព្យាករណ៍ថា អត្រានឹងកើនឡើងដល់៣.៩ភាគរយ នៅត្រីមាសទី៤។ ស្រដៀងគ្នានេះដែរ សមាគមធនាគារបានព្យាករណ៍ថា អត្រាប្រាក់កម្ចីទិញផ្ទះ នឹងកើនឡើងដល់៤ភាគរយនៅចុងឆ្នាំនេះ៕

 

 

LEAVE A REPLY

Please enter your comment!
Please enter your name here