សណ្ឋាគារដ៏ល្បីនៅក្រុងសៀមរាបបានប្រកាសបើកដំណើរការឡើងវិញនៅខែក្រោយនេះ

ដោយៈគង់ សូរិយា

សៀមរាបៈ សណ្ឋាគារដ៏ល្បីនៅក្រុងសៀមរាប Raffles Grand d’Angkor គ្រោង​នឹង​បើក​ដំណើរការ​វិញ​នៅ​ដើមខែមិថុនាខាងមុខនេះ បន្ទាប់ពីត្រូវ​បាន​បិទ​អស់​រយៈពេល​ជិត​បី​ឆ្នាំ។

​ការប្រកាសបើកដំណើរការឡើងវិញនេះ គឺស្របពេលដែលមានទេស​ចរបរទេស បាននិងកំពុងចូលមកទស្សនានៅកម្ពុជាកាន់តែច្រើន ក្រោមមានការ​បន្ធូរបន្ថយ​ការ​រឹតត្បិតនៃវិធានសុខាភិបាល។

Raffles Grand d’Angkor Hotel ដែលត្រូវបានចាត់ចូលជាសម្បត្តិបេតិកភណ្ឌដ៏ល្បីល្បាញនៅអាស៊ីអាគ្នេយ៍ គ្រោងនឹងបើកទ្វារស្វាគមន៍ភ្ញៀវឡើងវិញនៅថ្ងៃទី១ ខែមិថុនា ឆ្នាំ ២០២២ បន្ទាប់ពីបានផ្អាកដំណើរការរយៈពេលជិត៣ឆ្នាំដោយសារវិបត្តិកូវីដ១៩។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

អ្នកគ្រប់គ្រងទូទៅសណ្ឋាគារដ៏ល្បីនេះ លោក Dennis de Groot បាននិយាយថា “វាពិតជាអស្ចារ្យណាស់ ដែលសណ្ឋាគារដ៏ប្រណីតរបស់យើងអាចបើកដំណើរការឡើងវិញ ក្នុងពេលវេលាដ៏សមស្របមួយនេះ” ។

លោកបន្ថែមថា “ឆ្នាំនេះ យើងត្រូវរៀបចំពិធីអបអរសាទរខួបលើកទី ៩០ របស់សណ្ឋាគារ ហើយយើងពិតជារីករាយណាស់ ដែលសណ្ឋាគារនេះ អាចបន្តផ្តល់សេវាបដិសណ្ឋារកិច្ច ដែលមានស្តង់ដារ គុណភាព និង ទទួលបាននូវអារម្មណ៍ជាពិសេសមួយគឺ ភាពជាមិត្ត ជាក្រុមគ្រួសារ ជូនដល់ភ្ញៀវទាំងអស់ដែលមកស្នាក់នៅទីនេះ”៕

LEAVE A REPLY

Please enter your comment!
Please enter your name here