ទេសចរបរទេសទស្សនារមណីយដ្ឋានអង្គរ កើនឡើងជាង៦៣៣ភាគរយ ក្នុងរយៈពេល៤ខែ ដើមឆ្នាំនេះ

ដោយ៖ សុផារី

សៀមរាប៖ រយៈពេល៤ខែ ដើមឆ្នាំ២០២២នេះ ភ្ញៀវទេសចរបរទេសចំនួនសរុប៣៣.០៥នាក់ បានចូលទស្សនាអង្គរ ដោយទទួលបានចំណូលសរុបចំនួន១,៣៥២,៦១៥ដុល្លារអាមេរិក។

នេះបើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេស និងចំណូល ដែលទទួលបានពីការលក់បណ្ណចូលទស្សនារមណីយដ្ឋានអង្គរ ដែលគ្រឹះស្ថានអង្គរចេញផ្សាយ នៅថ្ងៃទី០២ ខែឧសភា ឆ្នាំ២០២២នេះ។

របាយការណ៍នេះបានឱ្យដឹងទៀតថា ភ្ញៀវទេសចរបរទេសដែលចូលទស្សនារមណីយដ្ឋានអង្គរនៅក្នុងរយៈពេល៤ខែ ដើមឆ្នាំ២០២២នេះ មានការកើនឡើងរហូតដល់ទៅ៦៣៣,៣៣ភាគរយ បើប្រៀបធៀបនឹងរយៈពេលដូចគ្នាក្នុងឆ្នាំ២០២២១កន្លងមក។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

សម្រាប់ខែមេសា ឆ្នាំ២០២២នេះ គ្រឹះស្ថានអង្គររកចំណូលបាន៥៣៧.០៤០ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន១៣.៣៦៥នាក់ កើនឡើងដល់ទៅ ២៨.៩៥៤,៣៥ភាគរយ ក្នុងរយៈពេលដូចគ្នា។

ក្នុងរយៈពេល៤ខែ ឆ្នាំ២០២២នេះ រដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប៦៦.៤១០ដុល្លារអាមេរិក ពីចំណែកនៃការលក់បណ្ណជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕

LEAVE A REPLY

Please enter your comment!
Please enter your name here